કહેવાય છે કે સતીશ કૌશિક ખુશખુશાલ વ્યક્તિ હતા અને હંમેશા બધાને હસાવતા રહેતા હતા. એમને 100 થી વધુ ફિલ્મો કરી છે જેમાં સતીષે મોટા ભાગના કોમેડીના રોલ કર્યા છે.
સતીશ કૌશિકે પોતાના અભિનયથી લોકોના દિલમાં ખાસ જગ્યા બનાવી
સતીશ કૌશિક તાજેતરમાં રિલીઝ થયેલી ફિલ્મ 'છત્રીવાલી'માં જોવા મળ્યા હતા
કંગના રનૌતની 'ઇમરજન્સી' ફિલ્મમાં સતીશ છેલ્લી વખત જોવા મળશે
કોઈએ વિચાર્યું ન હતું કે 9 માર્ચની સવાર આટલી કાળી હશે. આ દિવસને હિન્દી સિનેમામાં બ્લેક ડે તરીકે યાદ કરવામાં આવશે કારણ કે આ દિવસે બોલિવુડે તેના પીઢ અભિનેતા સતીશ કૌશિકને હંમેશ માટે ગુમાવી દીધા છે. જણાવી દઈએ કે સતીશ કૌશિકનું 66 વર્ષની વયે નિધન થયું છે. નિધનના સમાચારથી તેના તમામ ચાહકોના દિલ તૂટી ગયા છે. ફિલ્મી દુનિયામાં મૌન છે. સતીશ કૌશિકે પોતાના દમદાર અભિનયથી લોકોના દિલમાં ખાસ જગ્યા બનાવી હતી. સતીશ કૌશિકની વિદાય સિનેમા જગત માટે મોટી ખોટ છે.
સતીશ કૌશિક ખુશખુશાલ વ્યક્તિ હતા
સતીશ કૌશિક 66 વર્ષના હતા અને કાર્ડિયાક અરેસ્ટને કારણે તેમનું મૃત્યુ થયું હતું. ફિલ્મ ઈન્ડસ્ટ્રીથી લઈને દરેક સામાન્ય લોકો હાલ દુઃખી છે સાથે જ એમની પત્ની અને 11 વર્ષની પુત્રી માટે આ મુશ્કેલ સમય છે. આ સાથે જ બેસ્ટ ફ્રેન્ડ અનુપમ ખેર અને અનિલ કપૂર પણ ખૂબ જ દુઃખી છે. કહેવાય છે કે સતીશ કૌશિક ખુશખુશાલ વ્યક્તિ હતા અને હંમેશા બધાને હસાવતા રહેતા હતા. જણાવી દઈએ કે એમને 100 થી વધુ ફિલ્મો કરી છે જેમાં સતીષે મોટા ભાગના કોમેડીના રોલ કર્યા છે. સતીશ કૌશિક ભલે સહાયક ભૂમિકામાં જોવા મળતા પણ તેઓ ફિલ્મોમાં પ્રાણ પૂરતા હતા.
સતીશ કૌશિકની છેલ્લી ફિલ્મ
જણાવી દઈએ કે સતીશ કૌશિક તાજેતરમાં રિલીઝ થયેલી ફિલ્મ 'છત્રીવાલી'માં જોવા મળ્યા હતા અને એ ફિલ્મમાં એમને રતન લાંબાનું કોમિક પાત્ર ભજવ્યું હતું. જો કે સતીશ કૌશિકની વધુ એક ફિલ્મ છે જે દર્શકો વચ્ચે રિલીઝ થવાની બાકી છે. નોંધનીય છે કે કંગના રનૌતની 'ઇમરજન્સી' ફિલ્મમાં સતીશ છેલ્લી વખત જોવા મળશે. આ ફિલ્મ વડાપ્રધાન ઈન્દિરા ગાંધીના કાર્યકાળ દરમિયાન 1975-76માં ભારતમાં આવેલી ઈમરજન્સી પર આધારિત છે. ફિલ્મમાં સતીશ રક્ષા મંત્રી જગજીવન રામની ભૂમિકામાં જોવા મળશે. હાલમાં જ ફિલ્મમાંથી સતીશ કૌશિકનો ફર્સ્ટ લુક સામે આવ્યો ત્યારે તે ખૂબ જ ઉત્સાહિત હતા. બહાર પાડવામાં આવેલ એ લુકમાં સફેદ વાળ, મૂછ, ચશ્મા, ગ્રે નેહરુ જેકેટ પહેરેલા સતીશ કૌશિકના આ લુકની ઘણી ચર્ચા પણ થઈ હતી.
સતીશ કૌશિકની અંતિમ વિદાય પર રડ્યા અનુપમ ખેર
સતીશ કૌશિકના નિધનની માહિતી તેમના ખાસ મિત્ર અને બોલિવૂડ સુપરસ્ટાર અનુપમ ખેરે સોશિયલ મીડિયા પર આપી હતી. આ દરમિયાન અનુપમ ખેર સતીશ કૌશિકની અંતિમ વિદાય પર રડતા જોવા મળ્યા હતા જેનો એક વીડિયો ઈન્ટરનેટ પર વાયરલ થઈ રહ્યો છે. સતીશ કૌશિકના મૃતદેહને અંતિમ સંસ્કાર માટે એમ્બ્યુલન્સમાં મુંબઈના વર્સોવા શમશાન ઘાટ પર લઈ જવામાં આવ્યો હતો જ્યાં સતીશ કૌશિક પાંચ તત્વો સાથે ભળી ગયા છે. આ પહેલા સતીશ કૌશિકની અંતિમ વિદાય પર અનુપમ ખેર એમ્બ્યુલન્સમાં હાજર હતા. અનુપમ ખેર પોતાના મિત્રના મૃત્યુના શોકમાં ધ્રૂસકે ધ્રૂસકે રડતા જોવા મળ્યા હતા.