મુંબઇ / બૉલીવુડના અભિનેતાની 8 વર્ષની દીકરી હોસ્પિટલમાં દાખલ, કહ્યું દુઆ કરો

• બૉલીવુડના અભિનેતા સતિશ કૌશિકે કરી ભાવુક ટ્વીટ 
•   8 વર્ષની પુત્રી વંશિકા છે હોસ્પિટલમાં 
• કોવિડ નેગેટિવ છે પરંતુ શરીરનું તાપમાન રહેશે કંટ્રોલ બહાર 

સતીષ કૌશિકની 8 વર્ષની પુત્રી વંશિકા છેલ્લા પાંચ દિવસથી હોસ્પિટલમાં દાખલ છે. સતિષ કૌશિકે ખુદ આ વિશે કહ્યું છે, તેના માટે પ્રાર્થના કરો.

સતીષ કૌશિકની પુત્રી હોસ્પિટલમાં દાખલ

ઉલ્લેખનીય છે કે, 64 વર્ષીય સતિષ કૌશિકને હોસ્પિટલમાં દાખલ કર્યા પછી, તેમની પુત્રી વંશિકાએ કોરોનાનાં લક્ષણો જોવા મળ્યા હતા, ત્યારબાદ તેને પણ હોસ્પિટલમાં એડમિટ કરવામાં આવી હતી. આ વિશે બોલિવૂડ હંગામા સાથે વાત કરતાં સતિષ કૌશિકે કહ્યું - હું સ્વસ્થ થઈ રહ્યો છું અને થોડા દિવસ ઘરે ક્વોરન્ટાઇન જ રહીશ.

છેલ્લા પાંચ દિવસથી હોસ્પિટલમાં દાખલ

સતિષ કૌશિકે વધુમાં કહ્યું કે, 'મારી પુત્રી વંશિકા છેલ્લા પાંચ દિવસથી હોસ્પિટલમાં દાખલ છે. તેનો કોવિડ રિપોર્ટ નેગેટિવ આવ્યો છે. પરંતુ તાપમાન સામાન્ય નથી, તે સતત રહે છે. તે માટે પ્રાર્થના કરો આ પછી સતીષ કૌશિકે પણ કોવિડની અનિશ્ચિતતા વિશે વાત કરી હતી.

દિલ તૂટી જાય છે

સતિષ કૌશિકે કહ્યું, 'આ એક સમસ્યા છે. કોવિડ વિશે કોઈ નિશ્ચિતતા નથી. ખરાબ વાત એ છે કે મારી પુત્રીનો કોવિડ રિપોર્ટ નકારાત્મક આવ્યો છે, પરંતુ તે હજી પણ બીમાર છે. તેનું તાપમાન 100 અને 101 રહે છે. ફોન પર તેના રડવાનો અવાજ સાંભળીને મારું દિલ તૂટી જાય છે. ભગવાન આ મુશ્કેલ સમયમાં આપણા બાળકોનું રક્ષણ કરે. '