ધ્યાન રાખો / સતીશ કૌશિકનું થયું હ્રદયના હુમલાને કારણે નિધન, આખરે કેમ વધી રહ્યા છે Heart Attackના કેસ

• સતીશ કૌશિકનું હાર્ટ એટેકના કારણે નિધન થયું 
• હાર્ટ એટેકના કેસો દિવસેને દિવસે વધી રહ્યા છે
• હાર્ટ એટેક આવવા પાછળનું કારણ શું છે?

હાલમાં જ અભિનેત્રી સુષ્મિતા સેને ખુલાસો કર્યો હતો કે તેને હાર્ટ એટેક આવ્યો હતો પણ હવે તે ઠીક છે. હવે તેના થોડા દિવસો બાદ આજે એક્ટર અને ડિરેક્ટર સતીશ કૌશિકનું હાર્ટ એટેકના કારણે નિધન થયું હતું. એમને હાર્ટ અટેક આવ્યાના એક દિવસ પહેલા જ સતીશ કૌશિકે હોળીના તહેવારની ઉજવણી કરતા ઇન્સ્ટાગ્રામ એકાઉન્ટ પર ઘણી તસવીરો શેર કરી હતી જેમાં તે ખૂબ જ ફિટ અને સ્વસ્થ દેખાઈ રહ્યા હતા. 

જો કે આ પહેલીવાર નથી જ્યારે કોઈ સેલિબ્રિટીનું અચાનક હાર્ટ એટેક અથવા સ્ટ્રોકથી મૃત્યુ થયું હોય. આ પહેલા પણ કોમેડિયન રાજુ શ્રીવાસ્તવ અને સિંગર કેકેનું પણ અચાનક હાર્ટ એટેકથી મૃત્યુ થયું હતું. આ સાથે જ હાલ જોવા મળ્યું છે કે હાર્ટ એટેકના કેસો દિવસેને દિવસે વધી રહ્યા છે પણ તેની પાછળનું કારણ શું છે? 

આ પાછળનું કોઈ ચોક્કસ કારણ હજુ સુધી સામે આવ્યું નથી પણ હાલ લોકોમાં ઘણી એવી આદતો છે જે હાર્ટ એટેકનું કારણ બની શકે છે. એટલે કે જો હૃદય સ્વસ્થ હોય તો શરીર સ્વસ્થ રહે છે અને જો હૃદયની તંદુરસ્તી સારી ન હોય તો વ્યક્તિ પર જીવનું જોખમ મંડરાઈ શકે છે. 

હાર્ટ એટેકના કારણો 

હાઇ બ્લડપ્રેશર 
હાઈ બ્લડ પ્રેશરની સમસ્યા પણ હાર્ટ એટેકનું જોખમ વધારે છે. જણાવી દઈએ કે હાઈ બ્લડ પ્રેશર રક્તવાહિનીઓને નુકસાન પહોંચાડે છે અને આના કારણે ધમનીઓની લચકતા ઓછી થવા લાગે છે. એટલે કે લોહીના પ્રવાહમાં વધારો થવાથી ઓક્સિજન અને લોહી હૃદય સુધી ઝડપથી પહોંચે છે જેના કારણે અચાનક હાર્ટ એટેક આવી શકે છે. 

હાઇ કોલેસ્ટ્રોલ 
શરીરમાં સારું કોલેસ્ટ્રોલ પણ હોય છે અને ખરાબ કોલેસ્ટ્રોલ એ હોય છે. ખરાબ કોલેસ્ટ્રોલ (Bad Cholesterol) એક ફેટી પદાર્થ છે જે ધમનીઓમાં જમા થવા લાગે છે જેના કારણે લોહીનો પ્રવાહ અવરોધાય છે. એ કારણે શરીરના ઘણા ભાગોમાં લોહી યોગ્ય રીતે પહોંચતું નથી. હાઈ કોલેસ્ટ્રોલ લોહીને યોગ્ય રીતે હૃદય સુધી પહોંચવા દેતું નથી, જેના કારણે અચાનક હાર્ટ એટેક આવવાની શક્યતા વધી જાય છે. 

ધૂમ્રપાન 
દૈનિક ધોરણે વધુ પડતું ધૂમ્રપાન હૃદયના સ્વાસ્થ્યને સીધી અસર કરે છે. જણાવી દઈએ કે ધૂમ્રપાનથી ધમનીઓમાં લોહીના ગંઠાવાનું કારણ બની શકે છે જે ધમનીઓને અવરોધિત કરી શકે છે અને અચાનક હાર્ટ એટેકનું કારણ બને છે. 

ચરબી 
સ્થૂળતા પણ હાર્ટ એટેકના જોખમી પરિબળોમાંથી એક છે. જણાવી દઈએ કે તેનાથી ધમનીઓ બ્લોક થઈ શકે છે અને હાર્ટ એટેકની શક્યતા વધી જાય છે.