દારૂનું દૂષણ અટકાવવા છોટા ઉદેપુર જિલ્લાના પાંચ ગામના લોકોએ સર્વ સંમતીથી નવા નિયમો બનાવ્યા છે.
દારૂનું દૂષણ અટકાવવા અનોખી પહેલ
સિંધીકુવા(રો) જૂથ ગ્રામ પંચાયતમાં આવતા 5 ગામોએ લીધો નિર્ણય
મામલતદાર સહિતનાઓને કરી રજૂઆત
છોટાઉદેપુર જિલ્લાના નસવાડી તાલુકો આદિવાસી વિસ્તાર ધરાવતો તાલુકો છે. ત્યારે કેટલાય ગામ એવા છે. જ્યાં અમુક ગામમાં અસામાજિક પ્રવૃત્તિઓ ચાલે છે. તેને બંધ કરાવવા માટે ગ્રામ પંચાયત આકરું વલણ અપનાવી રહી છે. તેવામાં નસવાડી નજીક આવેલ સિંધીકુવા(રો) જૂથ ગ્રામ પંચાયતમાં આવતા 5 ગામ સિંધીકુવા (રો), રોજીયા, રોજીયા નવા વડદલી, કંકુવાસણના ગ્રામજનો તેમના ગામના દારૂનું દુષણ અને અન્ય ચાલી રહેલ પ્રવૃત્તિ બંધ કરાવવા આગળ આવ્યા છે. વડદલી ગામે બેઠકનું આયોજન કરીને અને નવા બનેલા મહિલા સરપંચ અને ગામના આગેવાનોએ દારૂને લઈ કાર્યવાહી કરવાનું નક્કી કર્યું છે. નસવાડી મામલતદારને રૂબરૂ રજુઆત કરી છે. અને નાયબ પોલીસ અદિક્ષકને પણ રજુઆત કરી છે.
અસામાજિક પ્રવૃત્તિ અટકાવવા સિંધીકુવા(રો)ના સરપંચની પેહલ
છોટાઉદેપુર જિલ્લામાં જ્યારે ચૂંટણીઓ આવે છે ત્યારે સરપંચ ઉમેદવાર દારૂનું મતદારોને વિતરણ કરતા હોય છે જેને અટકાવવા 5.50 લાખ રૂપિયાનો દંડ લેવાનો નિયમ કર્યો છે.સર્વ સંમતિથી ઠરાવ કરાયો છે. તેમજ અન્ય રાજકીય ચૂંટણીઓ આવે ત્યારે પણ સિંધીકુવા(રો) ગ્રામ પંચાયતમા આવતા 5 ગામમા કોઈપણ પક્ષ દારૂનું વિતરણ કરે તો તેમની સામે ગ્રામ પંચાયત સરપંચ સભ્યો અને ગ્રામજનો જાતે ફરિયાદ કરશે. રાજકીય પાર્ટીના આગેવાનો દારૂ ચૂંટણીમા વેહચતા પકડાશે તો તેમની સામે પણ કાર્ય વાહી થશે. વધુંમાં દારૂ વેચનારને 5.50 લાખનો દંડ અને તેની સામે ચૂંટણી અધિકારી કાયદેસર પગલાં ભરે તેવી પણ માંગ કરવાનું ઠરાવ કરાયો છે. એકંદરે દારૂના દુષણ તેમજ અન્ય ચાર્લી રહેલ અસામાજિક પ્રવૃત્તિને અટકાવવા સિંધીકુવા(રો)ના સરપંચ પેહલ કરી છે અને અન્ય સરપંચો પણ આ રીતે કાર્ય કરવાનું નક્કી કરી રહ્યા છે.