કારના સાઇલેન્સર ચોરી કરતી હરિયાણા ગેંગ ના ચાર આરોપીની સરખેજ પોલીસે ધરપકડ કરીને ચોરીના 8 ગુનાનો ભેદ ઉકેલ્યો છે
હરિયાણા ના મેવાતી ગેંગના ચાર આરોપીની ધરપકડ
સરખેજ પોલીસે 8 ગુનાનો ભેદ ઉકેલી કાઢ્યો
ઇકો કારના સાઇલેન્સરની ચોરી કરી આ ગેંગ મચાવતી હતી તરખાટ
હરિયાણા ના મેવાતીની ચોર ગેંગ અમદાવાદમાં ઇકો કારના સાઇલેન્સરની ચોરી કરી સાઇલેન્સર માં આવેલ કિંમતી ધાતુ વેચી મારતી હતી. વધુ ફરિયાદો મળતા પોલીસે કરેલી કાર્યવાહીમાં ગેંગને ઝડપી પાડવામાં આવી છે. સાથે જ ચોરીના 8 ગુનાનો ભેદ પણ ઉકેલી ગયો છે.
CCTV ફૂટેજ પરથી શંકાસ્પદ હરિયાદની કાર કેદ થઈ
પોલીસ કસ્ટડીમા જોવા મળતા આરોપી મુનેફખાન મેવ , તારીક મેવ , અલ્તાફ મેવ અને રહીશ મેવ સોના ચાંદી નહિ પરંતુ કારના સાઈલેન્સરની ચોરી કરીને આતંક મચાવતા હતા.... આ ચારેય આરોપી મૂળ હરિયાણા ના મેવાત ગામના રહેવાસી છે. આ મેવાતી ગેંગ અમદાવાદમાં ઇકો કાર ના સાઇલેન્સર ની જ ચોરી કરવા આવતા હતા.. આ ટોળકીએ તાજેતરમા સરખેજમા મારૂતી સુજુકી કપંનીના ગોડાઉનમા 18 ઈકો ગાડીના સાઈલેન્સરની ચોરી કરી હતી.. પોલીસે ગોડાઉન અને એસપી રીંગ રોડના સીસીટીવી ફુટેજ પરથી હરિયાણા પાસિંગની શંકાસ્પદ કાર કેદ થઈ,, અને પોલીસે ગણતરીના દિવસોમા સાઈલેન્સરની ચોરી કરતી ગેંગ સુધી પહોચી ગઈ.. અને ચાર આરોપીની ધકપકડ કરીને ચોરીનો ભેદ ઉકેલી કાઢયો..
ઇકો કાર ના સાઇલેન્સરમા મોંઘી ધાતુ જે ઊંચી કિંમતે સોનીને વેચી દેતા
પકડાયેલા આરોપીની પુછપરછમા ખુલાસો થયો છે કે ઇકો કાર ના સાઇલેન્સરમા એક મોંઘી ધાતુ રહેલી છે. જેને સાઈલેન્સરમાંથી કાઢીને સોનીઓને વેચી દેવામા આવે છે. જેમા ઊંચી કમાણી થાય છે.એક સાઈલેન્સરમાંથી નીકળતુ ધાતુ 15 હજારમા વેચાય છે. જેથી આ ટોળકી સોના-ચાંદી નહિ પરંતુ સાઈલેન્સરની ચોરી કરે છે. આ ટોળકીએ 11 સાઈલેન્સરની ચોરી કરી હોવાનુ કબુલાત કરી છે. જેથી સરખેજની સાથે હરિયાણાના 7 ગુનાનો ભેદ પોલીસે ઉકેલી કાઢયો છે.
એક આરોપી હજુ ફરાર, 4ની ધરપકડ
મેવાતી ગેંગ છેલ્લા 3 માસથી ઈકો કારના સાઈલેન્સરની ચોરી કરીને આંતક મચાવી રહી હતી.આ ગેંગના મુનફેદખાન મેવ નામનો આરોપી હજુ ફરાર છે. જેથી સરખેજ પોલીસે આરોપીની શોધખોળ શરૂ કરી છે. જયારે પકડાયેલા આરોપીના રિમાન્ડ મેળવીને વધુ તપાસ હાથ ધરી છે.