આ એક્ટ્રેસની સાથે રોમાન્સ કરવા ઇચ્છે છે પાકિસ્તાની કેપ્ટન કહ્યુ- 'દબંગનો રોલ કરવો છે'

પાકિસ્તાનના કેપ્ટન સરફરાઝ અહેમદે તાજેતરમાં ઝિમ્બાબ્વે વિરૂદ્ધ પાંચ મેચની સિરીઝમાં શાનદાર પ્રદર્શન કર્યુ હતું. પાકિસ્તાને ઝિમ્બાબ્વેને 5-0થી હરાવી વ્હાઇટવોશ કર્યો હતો. પાકિસ્તાનના કેપ્ટન સરફરાઝે પરત ફર્યા બાદ એક શોમાં ભાગ લીધો હતો જેમાં તેને પોતાની પસંદગીની બોલિવુડ એક્ટ્રેસનું નામ જણાવ્યુ હતું.

સરફરાઝે રસપ્રદ સવાલના આપ્યા જવાબ: 

એક ઇન્ટરવ્યૂમાં સરફરાઝે કેટલાક રસપ્રદ સવાલના જવાબ આપ્યા હતા. આ દરમિયાન સરફરાઝે પોતાની ઇચ્છા પણ વ્યક્ત કરી કે બોલિવૂડની કઇ ફિલ્મનો રોલ કરવાનો પસંદ કરશે. સરફરાઝે તુરંત કહ્યું- દબંગનો રોલ. મહત્વપૂર્ણ છે કે 'ફિલ્મમાં સલમાન ખાને મહત્વનો રોલ ભજવ્યો હતો જે સરફરાઝને ઘણો પસંદ આવ્યો હતો.

સરફરાઝે કહ્યું 'જો મને કોઇ ફિલ્મમાં કામ કરવાની તક મળી તો સલમાન ખાનની દબંગ ફિલ્મ જેવો રોલ કરવા માંગીશ' તે બાદ તેને પૂછવામાં આવ્યુ કે પસંદગીની એક્ટ્રેસ કોણ છે? પાકિસ્તાનના કેપ્ટને કહ્યું- 'કેટરીના કૈફ.' મહત્વપૂર્ણ છે કે થોડા સમય પહેલા આવેલી સલમાન ખાન અને કેટરીના કૈફની ફિલ્મ 'ટાઇગર ઝિંદા હૈ' થિયેટરમાં આવી હતી જે લોકોને પસંદ પડી હતી.

સરફરાઝ અહેમદના થઇ ચુક્યા છે લગ્ન:
પાકિસ્તાન ક્રિકેટ ટીમના કેપ્ટન સરફરાઝ અહેમદની પત્નીનું નામ સૈયદા ખુશબખ્ત છે. સૈયદા પૂર્વ ક્રિકેટ અમ્પાયર આફતાબ અલી શાહની દીકરી છે. સરફરાઝના લગ્ન 19 મે 2015માં કરાંચીમાં થયા હતા.

એશિયા કપમાં ટકરાશે ભારત-પાકિસ્તાન:

સરફરાઝ હવે એશિયા કપ રમવાની તૈયારીમાં લાગેલો છે. 15 સપ્ટેમ્બરથી સંયુક્ત આરમ અમીરાતમાં એશિયા કપ રમાશે. ટીમ ઇન્ડિયા અને પાકિસ્તાન વચ્ચે 19 સપ્ટેમ્બરે એશિયા કપમાં મેચ રમાશે. બન્ને ટીમ 2017 ચેમ્પિયન્સ ટ્રોફી બાદ પ્રથમ વખત આમને સામને થશે. ચેમ્પિયન્સ ટ્રોફીમાં પાકિસ્તાને ટીમ ઇન્ડિયાને હરાવ્યું હતું.