ટીમ ઇન્ડિયા ICC વર્લ્ડ કપ મેચમાં હાર મળ્યા પછી પાકિસ્તાની કેપ્ટન સરફરાઝ અહમદે ફેન્સના ગુસ્સાનો સામનો કરવો પડી રહ્યો છે. આ હાર પછી તમામ પાકિસ્તાની ખિલાડીઓને ઘેરવામાં આવી રહ્યા છે.
પાકિસ્તાનના કેપ્ટન સરફરાઝ અહમદને ફરી એક વખત શરમજનક સ્થિતિનો સામનો કરવો પડ્યો, એ પણ જ્યારે તે પોતાના પરિવાર અને બાળકોની સાથે મૉલમાં ફરી રહ્યો હતો. ઇંગ્લેન્ડમાં પરિવારની સાથે મૉલમાં ફરવા ગયેલા પાકિસ્તાનના કેપ્ટન સરફરાઝ અહમદનું અપમાન કરી તેને અપશબ્દો કહ્યા. આ ઘટનાનો વીડિયો સોશ્યલ મીડિયા પર ખૂબ જ વાયરલ થઇ રહ્યો છે.
Now this is disgraceful! Two years back you were celebrating and dancing on the roads because of them #ct17 and today you are treating them like this. You may comment on their performance and fitness but this is not the way! #CWC19#PAKvSA#WeHaveWeWillpic.twitter.com/8Ney8VSlSU
— Faizan Najeeb Danawala (@danawalafaizan) June 21, 2019
વાયરલ થયેલા વીડિયોમાં ફેને કહ્યુ કે, ભાઈ, ભાઈ તમે ડુક્કર જેવા જાડા કેમ છો? તમે પાકિસ્તાનનું નામ ખૂબ રોશન કર્યુ છે. તમે ડુક્કર જેવા જાડા છો થોડું ડાયટ કરો. '' જોકે આ પછી પણ પાકિસ્તાની કેપ્ટન સરફરાઝે પોતાનુ ગુસ્સા ન બતાવીને વાતને અવગણી નાખી. આ બાદ તે છોકરાને લઇને ત્યાંથી આગળ વધી ગયો.
જોકે આ પહેલી વખત નથી જ્યારે કોઇ ફેને સરફરાઝ અહમદનુ અપમાન કર્યુ હોય. આ પહેલા પણ પાકિસ્તાની કેપ્ટનને મેદાન પર જ શરમજનક સ્થિતિનો સામનો કરવો પડ્યો હતો. પાકિસ્તાની ટીમના ખિલાડીઓની ફિટનેસથી પાાકિસ્તાની ફેન નારાજ થયા છે, ખાસ કરીને સરફરાઝ અહદમની ફિટનેસથી વધારે. આ પહેલા ફેન્સે સરફરાઝ માટે ભારતની વિરુદ્ઘ મેચ હાર્યા પછી જ મેદાનમાં જ 'મોટા- મોટા સરફરાઝ' કહીને બૂમો પાડી. જોકે સરફરાઝનું ધ્યાન તેના પર ના ગયુ. ટીમ ઇન્ડિયાની સાથે મેચ હાર્યા પછી પાકિસ્તાન 9માં સ્થાન પર છે અને 23 જૂનના આગામી મેચ સાઉથ આફ્રિકા વિરુદ્ઘ રમશે.
ફેન્સ સિવાય પાકિસ્તાની ક્રિકેટ ટીમના પૂર્વ ફાસ્ટ બૉલર શોએબ અખ્તરે પણ સરફરાઝની ફિટનેસને લઇને સવાલ ઉઠાવતા કહ્યુ કે, ''સરફરાઝ જ્યારે ટૉસ લઇને આવે છે તો તેનું પેટ બહાર આવેલુ છે, તે પહેલો એવો કેપ્ટન છે જે અનફિટ છે. મેં ક્યારેય પણ આટલો અનફિટ કેપ્ટન નથી જોયો, કીપિંગમાં પણ મુશ્કેલી આવે છે. ટીમની પસંદગી કયા આધાર પર કરવામાં આવી રહ્યો છે તે સમજી નથી શકાતુ.''