OMG / 80 કિ.મી.પ્રતિ કલાકની ઝડપે દોડતા ઘોડાની કિંમત જાણીને આંખો ચાર થઇ જશે

• મહારાષ્ટ્રના સારંગખેડામાં ચેતક મહોત્સવનું આયોજન
• પહેલીવાર રૂ.10 કરોડની કિંમતનો ઘોડો સામેલ
• ધ બ્યૂટી ઓફ હોર્સ

સારંગખેડામાં આયોજિત ચેતક ઉત્સવમાં રાજસ્થાન, પંજાબ, હરિયાણા સહિત અનેક રાજયોમાંથી લગભગ 500 ઘોડા આવ્યા છે, પરંતુ ચર્ચા શાનની છે. શાને પુષ્કર, જોધપુર અને મુંબઇ સહિત અન્ય સ્થાનો પર પહેલું સ્થાન મેળવ્યું છે. 

ધ બ્યૂટી ઓફ હોર્સથી લોકો ઓળખે છે

સમિતિએ શાનને ઉત્સવમાં સામેલ કરવાનો આગ્રહ કર્યો હતો. તેને લોકો ધ બ્યૂટી ઓફ હોર્સ પણ કહે છે. શાનનો એક મહિનાનો ખર્ચ રૂ.એક લાખ છે. તેની સેવામાં બે સેવકો લાગેલા રહે છે. તે 24 કલાક શાનની સાથે રહે છે.

રોયલ મહેલમાં રાખવામાં આવે છે

ચેતક ઉત્સવ સમિતિના અધ્યક્ષ જયપાલસિંહે જણાવ્યું કે સારંગખેડામાં શાન શાનથી રહે છે. અહીં તેને રોયલ મહેલમાં રાખવામાં આવે છે. તે મેળાના પ્રદર્શનમાં થોડા સમય માટે જાય છે. માલિકે જણાવ્યું કે તેઓ બે પેઢીઓથી શાનનો પરિવાર સંભાળે છે. શાનના દાદાનું નામ અહેસાન હતું અને પિતાનું નામ શાનદાર હતું. શાનના પિતા અને દાદાએ પણ ઘણી ઘોડા દોડ સ્પર્ધાઓ જીતી છે.

પાંચ વાર ચેમ્પિયન બની ચૂકયો

શાનના માલિકે જણાવ્યું કે શાનને સતત ગતિ અને ક્ષમતા જાળવી રાખવા માટે રોજ એકથી દોઢ કલાક દોડનો અભ્યાસ કરાવાય છે. તેનાં આરોગ્યની દર મહિને તપાસ થાય છે. તેની ઉંમર પાંચ વર્ષ છે અને ઉંચાઇ 5.5 ફૂટ છે. અત્યાર સુધી તે પાંચ વાર ચેમ્પિયન બની ચૂકયો છે. 

બે વખત મુકતસરના મેળામાં, એક વાર પતિયાલામાં, એક વાર જોધપુર અને એક વાર પુષ્કર રાજસ્થાનના મેળામાં તે ચેમ્પિયન રહ્યો છે. શાન રોજ 100 ગ્રામ દેશી ઘી ખાય છે. ભોજનમાં ચણા અને જવના દાણા ખાય છે. તે રોજના રૂ.500નો ચારો ખાય છે. તેની ગતિ એક એકસપ્રેસ ટ્રેનની ગતિ કરતાં પણ વધુ છે.