માસ્ટર બ્લાસ્ટર સચિન તેંડુલકરની દીકરી સારા તેંડુલકર નજીકના સમયમાં બૉલીવુડમાં એન્ટ્રી લે તેવી શક્યતાઓએ જોર પકડયું છે. આ માટે તેણે તૈયારી કરી લીધી હોવાના સમાચાર છે.
બોલીવૂડમાં ડેબ્યૂ કરી શકે છે સારા તેંડુલકર
સોશ્યલ મીડિયા પર ધરાવે છે આગવી ફેન ફોલોઈંગ
એક્ટિંગના પાઠ લઈ રહી હોવાના સમાચાર
ભારતીય ક્રિકેટર સચિન તેંડુલકરની પુત્રી સારા તેંડુલકર સૌથી લોકપ્રિય સ્ટાર કિડ્સમાંથી એક છે. તેની તસવીરો અવારનવાર સોશિયલ મીડિયા પર વાયરલ થતી રહે છે. તે પોતે પણ રોજ પોતાની તસવીરો અને વીડિયો ઈન્ટરનેટ પર શેર કરતી રહે છે.
સોશ્યલ મીડિયા પર એક્ટિવ છે સારા
ચાહકોને પણ તેની આ તસવીરો ઘણી પસંદ આવી રહી છે. ઉપરાંત સોશિયલ મીડિયા પર તેના ફેન્સની યાદી પણ ઘણી લાંબી છે. ફેન ફોલોઈંગ અને લોકપ્રિયતાના મામલે સારા કોઈપણ સેલિબ્રિટીથી પાછળ નથી. હવે સચિન તેંડુલકરની પુત્રી સારા સાથે જોડાયેલા એવા એવા સમાચાર સામે આવી રહ્યા છે, જે બાદ હવે તેના બોલિવૂડમાં પદાર્પણ કરવાની અફવાઓએ ફરી એકવાર હવા પકડી છે.
સામે આવેલા મીડિયા રિપોર્ટ્સ અનુસાર, સારા આ દિવસોમાં એક્ટિંગના પાઠ લઈ રહી છે અને આવનારા સમયમાં ઘણી બ્રાન્ડ એન્ડોર્સમેન્ટ કરતી જોવા મળશે. સારાની નજીકના સૂત્રોના જણાવ્યા અનુસાર, "સારા ટૂંક સમયમાં બોલીવૂડમાં ડેબ્યૂ કરી શકે છે. તેને હંમેશા એક્ટિંગમાં રસ રહ્યો છે, જેના કારણે સારાએ એક્ટિંગના ક્લાસ પણ લીધા છે.
સારાએ કેટલીક બ્રાન્ડ એન્ડોર્સમેન્ટ માટે શૂટિંગ પણ પૂરું કર્યું છે. લંડનની યુનિવર્સિટીમાંથી મેડિસિનનો અભ્યાસ કર્યા પછી. સારા હવે ગ્લેમરની દુનિયામાં કરિયર બનાવવા માટે ઉત્સુક છે.
અહેવાલો કહે છે કે "સારા તેની એક્ટિંગ સ્કિલ્સથી દર્શકોને ચોંકાવવા માટે તૈયાર છે. સારા અત્યંત પ્રતિભાશાળી છે અને તેણી તેના જીવન માટે જે પણ નિર્ણય લે છે તેમાં તેના માતાપિતા હંમેશા તેને ટેકો આપે છે. સારા વ્યવસાયે એક મોડેલ છે, અને તેના ચાહકો પણ તેના ફોટોઝ જોઈને ઘણી વાર ખૂબ જ ખુશ થતાં હોય છે.માટે આવનાર સમયમાં તેને સ્ક્રીન પર દર્શકો પણ વધાવી લે તેવી શક્યતાઓ નકારી ન શકાય"
મોડલિંગની દુનિયામાં પગ મૂક્યો
24 વર્ષની આ સ્ટાર કિડે ઈ-કોમર્સ પોર્ટલ માટે જીવનશૈલીની જાહેરાત સાથે મોડલિંગની શરૂઆત કરી હતી. આ કોમર્શિયલમાં તે તેના અદભૂત લુકને ફ્લોન્ટ કરતી જોવા મળી હતી. સારાની સાથે આ જાહેરાતમાં તાનિયા શ્રોફ અને અભિનેત્રી બનિતા સંધુ પણ હતી. તમને જણાવી દઈએ કે બનિતા સંધુએ પોતાના કરિયરની શરૂઆત વરુણ ધવન સ્ટારર ફિલ્મ 'ઓક્ટોબર'થી કરી હતી.