બૉલીવુડ / સારા અલી ખાનનું દર્દ છલકાયું: મારા બ્રેકઅપ પછી બધુ ખરાબ જ થયું, લોકોએ મને આ વાત માટે કરી ટ્રોલ

• સારા એ રીલ અને રિયલ લાઈફ બંનેમાં ખૂબ જ મુશ્કેલ તબક્કો જોયો 
• ફિલ્મની રિલીઝ પહેલા જ થયું હતું બ્રેકઅપ 
• બ્રેકઅપ બાદ ફિલ્મો ફ્લોપ થવાનો દોર શરૂ થયો હતો 

બૉલીવુડની અભિનેત્રી સારા અલી ખાનને લગભગ દરેક લોકો ઓળખે જ છે. અભિનેત્રીએ વર્ષ 2018માં દિગ્દર્શક અભિષેક કપૂરની ફિલ્મ 'કેદારનાથ'થી બોલિવૂડમાં એન્ટ્રી કરી હતી અને ત્યારથી તેને પોતાની એક અલગ ઓળખ બનાવી છે. આ પછી તેણે રણવીર સિંહ સ્ટારર ફિલ્મ 'સિમ્બા' જેવી હિટ ફિલ્મ આપી હતી. જો કે અત્યાર સુધીના કરિયરમાં સારા અલી ખાને ઘણી ફ્લોપ ફિલ્મો પણ આપી છે જેમાંથી  'લવ આજ કલ' અને 'કુલી નંબર 1' દર્શકોને બિલકુલ પસંદ આવી નહતી. 

સારા એ રીલ અને રિયલ લાઈફ બંનેમાં ખૂબ જ મુશ્કેલ તબક્કો જોયો 
જણાવી દઈએ કે આ દરમિયાન સારાએ તેની રીલ અને રિયલ લાઈફ બંનેમાં ખૂબ જ મુશ્કેલ તબક્કા જોયા હતા. એક વાતચીત દરમિયાન સારા એ કહ્યું હતું  કે 'વર્ષ 2020 તેના બ્રેકઅપ સહિત તેના જીવનનો સૌથી ખરાબ ભાગ રહ્યો છે.' નોંધનીય છે કે સારા જ્યારે કાર્તિક આર્યન સાથે ફિલ્મ 'લવ આજ કલ'નું શૂટિંગ કરી રહી હતી ત્યારે તેમના અફેરના સમાચાર સામે આવ્યા હતા. એ સમયે એવું એવું કહેવામાં આવી રહ્યું હતું કે અભિનેત્રી કાર્તિકને ડેટ કરી રહી છે પણ એ સમયે તેને આ અંગે કોઈ પ્રતિક્રિયા આપી નહતી. 

ફિલ્મની રિલીઝ પહેલા જ થયું બ્રેકઅપ 
જણાવી દઈએ કે સારા અલી ખાનના રોમેન્ટિક સંબંધો અને બ્રેકઅપની પુષ્ટિ કરણ જોહરે તેમના ચેટ શો 'કોફી વિથ કરણ'માં કરી હતી. એ સમયે વાત બહાર આવી હતી કે  વર્ષ 2020માં ફિલ્મની રિલીઝ પહેલા જ બંનેનું બ્રેકઅપ થઈ ગયું અને ત્યાર બાદ તેઓએ એકબીજા સાથે વાત કરવાનું બંધ કરી દીધું હતું. સારાએ શેર કર્યું હતું કે વર્ષ 2020 તેના માટે ખૂબ જ ખરાબ રહ્યું. એ વર્ષ તેના બ્રેકઅપ સાથે શરૂ થયું, ત્યારબાદ તેની ફિલ્મો ફ્લોપ થવાનો દોર શરૂ થયો. આ બધા વિશે વાત કરતાં આગળ એમને ટ્રોલિંગ વિશે વાત કરતાં કહ્યું કે ટ્રોલિંગથી મને વધુ અસર થઈ નથી કારણ કે તે પહેલેથી જ ખરાબ પર્સનલ સ્પેસમાં હતી. 

સારાએ વાતચીત દરમિયાન કહ્યું કે 'લવ આજ કલ' અને 'કુલી નંબર 1'માં ભૂલો કર્યાનું સ્વીકાર્યું અને કહ્યું કે ભૂલો કરવાની તેની ઉંમર છે. હવે નોંધનીય છે કે સારા અલી ખાન વિક્રાંત મેસી સાથે ગેસલાઇટમાં જોવા મળશે અને એ ફિલ્મ 'અતરંગી રે' પછી સારાની આ બીજી OTT રિલીઝ હશે.

વર્ક ફ્રન્ટની વાત કરીએ તો સારા છેલ્લે આનંદ એલ રાયની 'અતરંગી રે'માં જોવા મળી હતી, જે ડિઝની પ્લસ હોટસ્ટાર પર રિલીઝ થઈ હતી. ફિલ્મને મિશ્ર પ્રતિસાદ મળ્યો છે. હાલ સારા 'ગેસલાઈટ', 'એ વતન મેરે વતન' અને 'મેટ્રો ઇન દિનન' સહિત અનેક પ્રોજેક્ટ્સ કરી રહી છે. સાથે જ થોડા અઠવાડિયા પહેલા સારાએ ફિલ્મમેકર હોમી અદાજાનિયાની ફિલ્મ 'મર્ડર મુબારક' માટે તૈયારી શરૂ કરી હતી.