બોલીવૂડની અભિનેત્રી સારા અલી ખાનને એવું લાગતું હતું કે તેની મા અમૃતા પોર્ન સાઇટ ચલાવે છે અને તેના પિતા અપશબ્દો જ બોલે છે.
સારા અલી ખાનનો ચોંકાવનારો ખુલાસો
માતા-પિતા ખરાબ માણસ છે
નાનપણમાં સારા સૈફ-અમૃતા વિશે આવું વિચારતી હતી
સારા અલી ખાન પોતાના બિંદાસ અંદાજ માટે જાણીતી છે. સોશ્યલ મીડિયા પર પણ તે ખુબ સક્રિય રહે છે અને પોતાની ખુબસુરત તસવીરો શૅર કરતી રહે છે. સારા પોતાના પેરેન્ટ્સને ખરાબ સમજતી હતી તેનો ખુલાસો પણ તેણે જાતે જ કર્યો છે.
માતા-પિતા ખરાબ માણસ
હાલમાં જ તેણે ખુલાસો કર્યો છે કે નાનપણમાં તે પોતાના માતા-પિતાને ખરાબ સમજતી હતી. સારાને લાગતું હતુ કે સૈફ ખાલી ગાળો જ બોલે છે અને તેની માતા પોર્ન સાઇટ ચલાવે છે. તેને લાગતું હતું કે અમૃતા અને સૈફ ખરાબ માણસો છે. તેણે કારણ પણ જણાવ્યું કે તે કેમ પોતાના માતા પિતા વિશે આવું સમજતી હતી.
સારાએ જોઇ હતી આ ફિલ્મો
સારા અલી ખાને નાનપણમાં પિતાની ફિલ્મ ઓમકારા જોઇ હતી. 2006માં આવેલી આ ફિલ્મમાં સૈફે લંગડા ત્યાગીની ભૂમિકા ભજવી હતી. તેમાં કરીના કપૂર ખાન, કોંકણા સેન શર્મા અને વિવેક ઓબરોય પણ હતા. તેના પહેલા વર્ષ 2005માં આવેલી ફિલ્મ કલયુગમાં અમૃતા સિંહ, કુણાલ ખેમુ સાથે નજર આવી હતી.
ઇન્ટરવ્યૂમાં ખુલાસો
એક ઇન્ટરવ્યૂમાં ખુલાસો થયો કે આ બંને ફિલ્મની તેના પર શું અસર થઇ હતી. સારાએ કહ્યું કે, મને યાદ છે નાનપણમાં મેં આ બંને ફિલ્મ જોઇ તો મને લાગતું હતું કે મારા પિતા ગાળો જ બોલે છે અને મારી મા પોર્ન સાઇટ ચલાવે છે. આ વાત તે સમયે સહેજ પણ મજાક નહોતી. બાદમાં બંનેને જ્યારે નેગેટિવ રોલમાં નોમિનેટ કરવામાં આવ્યા તો હું વધારે હેરાન રહી ગઇ હતી.
સારાનું ડેબ્યું
સારા અલી ખાને કેદારનાથથી બોલીવૂડમાં ડેબ્યું કર્યું હતુ. બાદમાં તે સિમ્બા, કુલીનંબર 1, લવ આજ કલ 2માં નજર આવી હતી. હવે તે ખુબ જલ્દી અતરંગી રેમાં નજર આવશે.