એક્ટ્રેસ સારા અલી ખાન અત્યારે પોતાની અપકમિંગ ફિલ્મ લવ આજ કલના પ્રમોશનમાં બિઝી છે. બીજી તરફ સારા કરિના કપૂર ખાનના ચેટમાં પહોંચી અને પોતાના રિલેશનશિપને લઇને ખૂલીને વાત કરી હતી.
શોની હોસ્ટ કરિના કપૂરે જયારે સારાને જણાવ્યુ કે, તેણે પોતાના રિલેશનશિપમાં ક્યારેય કોઇને દગો આપ્યો નથી અને ક્યારેય પણ પાર્ટનરનો ફોન ચેક કર્યો નથી. આ ઉપરાંત સારાએ પોતાની સોતેલી માતા એટલે કે કરિના સાથે બીજી ઘણી વાત કરી.
આ સિવાય કરિનાએ સારાને નોટી મેસેજ મોકલવા તથા વન નાઇટ સ્ટેન્ડ વિશે સવાલો કર્યા, આના પર એક્ટ્રેસે કહ્યુ કે, નૉટી મેસેજ તો મોકલ્યા છે પણ વન નાઇટ સ્ટેન્ડ વિશે તેનો જવાબ ના રહ્યો. કરિનાએ કો-સ્ટાર્સ વિશેના સવાલના જવાબમાં પણ સારાએ કહ્યુ કે, તેના ચારેય કોસ્ટાર્સ સુશાંત સિંહ રાજપૂત, કાર્તિક આર્યન, રણવીર સિંહ અને વરૂણ ધવન સાથે તેના ખૂબ જ સારા સંબંધો છે.
વર્કફ્રન્ટની વાત કરવામાં આવે તો સારા અલી ખાન ઇમ્તિયાઝ અલીના ડિરેક્શન લવ આજકલ ૨ માં કાર્તિક આર્યનની સાથે જોવા મળશે. આ ફિલ્મ ૧૪ ફેબ્રુઆરીએ રિલીઝ થઇ રહી છે. આ ઉપરાંત તે વરૂણ ધવન સાથે કુલી નંબર ૧ ની રિમેકમાં જોવા મળશે, આની સાથે સારા આનંદ એલ રાયની ફિલ્મ અતરંગી ૨ નો પણ ભાગ છે. આમાં તે અક્ષય કુમાર અને ધનુષ સાથે જોવા મળશે.