સારા અલી ખાને ખૂબ જ ઓછાં સમયમાં બોલિવૂડમાં પોતાની ઓળખ ઊભી કરીને ટોચની એક્ટ્રેસિસમાં પોતાની જગ્યા બનાવી લીધી છે. ત્યારે હાલ કોરોનાને કારણે દેશમાં લોકડાઉન છે અને સારા પણ પોતાનો સમય ઘરે જ પસાર કરી રહી છે. જોકે, હાલ તે સોશિયલ મીડિયા પર ઘણી જ એક્ટિવ થઈ ગઈ છે અને અવાર-નવાર તેના ફોટોઝ અને વીડિયોઝ શેર કરતી રહે છે. હાલમાં જ સારાએ તેના બાળપણની ખૂબ જ ક્યૂટ તસવીરો શેર કરી છે. જેને જોઈને ફેન્સ ખૂબ કમેન્ટ કરી રહ્યાં છે અને તેની આ તસવીરો ખૂબ વાયરલ થઈ રહી છે.
આ તસવીરોમાં સારાં ખૂબ જ ક્યૂટ લાગી રહી છે અને તૈયાર થઈને પોઝ આપતા જોવા મળી રહી છે. સારાની આ તસવીરો ઈન્ટરનેટ પણ ઝડપથી વાયરલ થઈ રહી છે. સારાની તસવીરો જોઈને અંદાજો લગાવી શકાય છે કે, બાળપણમાં પણ સારાની સ્ટાઈલ અને અંદાજ સૌથી અલગ હતા.
સારાએ તેની આ તસવીરો શેર કરતા કેપ્શન આપ્યું- મારા સપનાની રાની હમેશાંથી હું જ હતી. સારાની આ ક્યૂટ તસવીરોના વખાણ તેના ફેન્સથી લઈને બોલિવૂડ ફ્રેન્ડ્સ પણ કરી રહ્યાં છે. ફેન્સ તો તેની આ તસવીરો જોઈને તેની પર ફિદા થઈ ગયા છે.
તમને જણાવી દઈએ કે, સારા અલી ખાન અવારનવાર તેની જૂની તસવીરો અને વીડિયો સોશિયલ મીડિયા પર શેર કરતી હોય છે. જોકે, તેના બાળપણની તસવીરો ફેન્સને ખૂબ જ પસંદ આવે છે અને ફેન્સ દિલ ખોલીને લાઈક્સ અને કમેન્ટ્સ પણ કરે છે. વર્કફ્રંટની વાત કરીએ તો સારા વરૂણ ધવન સાથે કૂલી નંબર 1 ફિલ્મમાં જોવા મળશે. આ સિવાય એક્ટ્રેસ અતરંગી રેમાં પણ જોવા મળશે.