બોલીવુડ એક્ટ્રેસ સારા અલી ખાનનો એક ફોટો સોશિયલ મીડિયા પર ખૂબ ધૂમ મચાવી રહ્યો છે. એક ફેને તો આ ફોટોને જોઇને એને લગ્ન માટે પ્રપોઝ કરી લીધું.
બોલીવુડ અભિનેત્રી સારા અલી ખાન 'કેદારનાથ' અને 'સિમ્બા' થી બોલીવુડમાં સિક્કા જમાવી ચુકી છે. 'કેદારનાથ' અને 'સિમ્બા'માં સારા અલી ખાનો અંદાજ, એક્ટિંગ અને સ્ટાઇલને ખૂબ પસંદ કરવામાં આવી હતી. સારા અલી ખાન હાલ 'લવ આજ કલ 2'નું શૂટિંગ કરી રહી છે અને ફિલ્મમાં એ કાર્તિક આર્યન સાથે નજરે પડશે. સારા અલી ખાન સોશિયલ મીડિયા પર ખૂબ જ એક્ટિવ રહે છે અને પોતાના ફેનની સાથે કોઇને કોઇ ફોટો શેર કરતી નજરે આવે છે. એક્ટ્રેસ સારા અલી ખાને તાજેતરમાં પોતાના ઇન્સ્ટાગ્રામ અકાઉન્ટ પર એક ફોટો શેર કર્યો છે. સારા અલી ખાનનો આ ફોટો સોશિયલ મીડિયા પર ખૂબ વાયરલ થઇ રહ્યો છે.
વાયરલ ફોટામાં સારા અલી ખાન લાલ રંગના ડ્રેસમાં નજરે પડી રહી છે. એને ગળામાં ગોલ્ડન કલરનો નેકલેસ પહેર્યું છે અને માથામાં ટીકો લગાવેલો છે. કાનમાં મેટિંગ ઇયરરિંગ્સ પહેરેલી છે. જે એની પર ખૂબ જ જોરદાર લાગી રહી છે. સારા અલી ખાને આ ફોટાને પોતાના ઇન્સ્ટાગ્રામ અકાઉન્ટ પર પોસ્ટ કરતાં એક રસપ્રદ કેપ્શન લખ્યું છે. સારા અલી ખાનના પ્રશંસકોએ એના ફોટા પર જોરદાર કમેન્ટ કરી છે. એના એક ફેને સારાનો આ ફોટો જોઇને એને લગ્ન માટે પ્રપોઝ કરી લીધું. એને કમેન્ટ કરતાં લખ્યું, 'મારી સાથે 7 ફેરા લઇશ?'
જો વર્કફ્રંટની વાત કરીએ તો હાલ સારા અલી ખાન ઇમ્તિયાઝ અલી ની ફિલ્મ લવ આજ કાલ 2 માં કાર્તિક આર્યનની ઓપોઝિટ લીડ રોલ નિભાવતી નજરે પડશે. આ પહેલા એ એક્ટર રણવીર સિંહ સાથે 'સિમ્બા' ફિલ્મમાં જોવા મળી હતી.