બોલિવુડ એક્ટ્રેસ સારા અલી ખાન રસ્તાઓ પર ગીત ગાતા જોવા મળી છે. લોકોને ઓટોગ્રાફ્સ આપી રહી છે અને તેમની સાથે સેલ્ફી લઈ રહી છે. પરંતુ આ બધું તે ફ્રીમાં નથી કરી રહી. તેના માટે તે પૈસા ચાર્જ કરી રહી છે. તમે વિચારી રહ્યા હશો કે આટલા મોટા ખાનદાનની છોકરી, ફેમસ એક્ટ્રેસ થોડા રૂપિયા માટે આવું શા માટે કરી રહી છે.
તમને જણાવી દઈએ કે આ બધુ તે ફરાહ ખાનના કહેવા પર કરી રહી છે. તે સારા પાસેથી આ બધુ કરાવી રહી છે અને પોતે એક રૂમમાં બેઠી છે. સારા માટે આ બધુ કરવાનો એક ટાસ્ક હતો. જે ભારતી સિંહ, હર્ષ લિમ્બાચિયાના ગેમ શો 'ધ ખતરા ખતરા શો'નો ભાગ છે.
પૈસા કમાવવા સારાએ કર્યા આવા કામ
હકીકતે ફરાહ ખાન અને ભારતીનો મજાક ઉડાવ્યા બાદ હર્ષ લિમ્બાચિયાએ સારા અલી ખાનને કહ્યું કે તે આ શોની ઓનર હોવાનો દાવો કરી રહી છે તો તેને અમુક ટાસ્ક કરવાના રહેશે. પછી ફરાહે ટાસ્ક આપ્યા અને કહ્યું કે તેને અમુક પૈસા કમાઈને લાવવાના રહેશે. ત્યાર બાદ ભારતી તેનો સાથ નિભાવવા માટે રસ્તા પર જતી રહી.
બહાર આવીને સારા અને ભારતીને એક વ્યક્તિ મળ્યો જે સારા સાથે સેલ્ફી ક્લિક કરાવવાના 100 રૂપિયા આપવા તૈયાર થયો. બીજા એક વ્યક્તિ માટે સારાએ શાહરૂખ ખાન અને કાજોલની ફિલ્મનું ગિત યે કાલી કાલી આંખે ગાયું તેની પાસેથી તેને 500 રૂપિયા મળ્યા. આ રીતે કોઈએ 100 તો કોઈએ 500 રૂપિયા સારાને આપ્યા.