બોલિવૂડ એક્ટ્રેસ સારા અલી ખાન ખૂબ જ ઓછાં સમયમાં ટોપની એક્ટ્રેસિસની લિસ્ટમાં સામે થઈ ગઈ છે. ત્યારે લોકડાઉનમાં અન્ય સેલેબ્સની જેમ સારા પણ વધુ એક્ટિવ રહેવા લાગી છે. તે અવારનવાર સોશિયલ મીડિયા પર ફોટોઝ અને વીડિયો શેર કરતી રહે છે અને તે જે પણ શેર કરે તે ફેન્સને ખૂબ જ પસંદ આવે છે અને વાયરલ પણ થઈ જાય છે. ત્યારે હાલમાં જ સારાએ ઈન્સ્ટાગ્રામ પર તેના ઈન્ટેન્સ વર્કઆઉટનો જબરદસ્ત વીડિયો શેર કર્યો છે. જે ઈન્ટરનેટ પર ધૂમ મચાવી રહ્યો છે.
તમને જણાવી દઈએ કે, આ વીડિયોમાં સારા પુસ અપ્સ કરતી જોવા મળી રહી છે. સારા અલી ખાન પોતાની ફિટનેસ પર ખૂબ જ ધ્યાન આપે છે અને જાગરૂક રહે છે. તે અવાર નવાર તેના જિમિંગના વીડિયો ફેન્સ સાથે સોશિયલ મીડિયા પર શેર કરતી હોય છે.
સારાએ આ વીડિયો શેર કરીને કેપ્શનમાં લખ્યું- હળવા ભાર માટે પ્રાર્થના કરશો નહીં, વધુ મજબૂત થવા કામ કરો. જાગો. સારાનો આ વીડિયો ખૂબ વાયરલ થઈ રહ્યો છે અને 29 લાખથી વધુ વાર આ વીડિયો લોકો જોઈ ચૂક્યા છે. સારાનો આ વીડિયો જૂનો છે પણ એક્ટ્રેસે અત્યારે આ વીડિયો શેર કર્યો.
તમને જણાવી દઈએ કે, સારા અલી ખાન ઘણીવાર તેના બાળપણની ક્યૂટ તસવીરો પણ શેર કરતી હોય છે. સારા અલી ખાનના વર્કફ્રંટની વાત કરીએ તો તે ટૂંક સમયમાં વરૂણ ધવન સાથે કૂલી નંબર 1 ફિલ્મમાં જોવા મળશે. આ સિવાય તે ફિલ્મ અતરંગી રેમાં પણ જોવા મળશે.