નવાબ ખાનદાનમાં જન્મ લેનારી એક્ટ્રેસ સારા અલી ખાન દિલ્હીના સસ્તા માર્કેટમાંથી કપડા ખરીદે છે.
સારા અલી ખાનનો કપડાને લઇને ખુલાસો
સારા દિલ્હીના સસ્તા બજારમાંથી ખરીદે છે કપડા
સારા બ્રાન્ડેડ કપડાં પહેરવાનુ પસંદ નથી કરતી
બોલીવુડ એક્ટ્રેસ સારા અલી ખાન પોતાના અલગ અંદાજથી લોકોમાં હંમેશાથી ફેમસ રહી છે. તેણે નાની ઉંમરમાં જ ફિલ્મ ઈન્ડસ્ટ્રીસમાં પોતાની એક અલગ ઈમેજ ઉભી કરી છે. સારાએ 2018માં કેદારનાથ નામની હિન્દી ફિલ્મથી સિનેમામાં ડેબ્યુ કર્યુ હતું. આ ફિલ્મમાં એક્ટર સુશાંત સિંહ રાજપુત લીડ રોલમાં હતો. આ ફિલ્મમાં બન્નેની એક્ટિંગને દર્શકોએ ખુબ જ પસંદ કરી હતી. સારાનું સ્ટાઈલ સ્ટેટમેંટ ઓનસ્ક્રીન જ નહી પણ ઓફસ્ક્રીન પણ હંમેશા ચર્ચામાં રહે છે. સારા હંમેશા સલવાર કમીઝમાં જ જોવા મળે છે જે તેને પસંદ છે. પટૌડી પરિવારની આ લાડલીને બ્રાન્ડેડ નહી પણ દિલ્હીની સરોજીની માર્કેટમાંથી કપડાં ખરીદવા વધારે પસંદ છે.
સારા ક્યાથી ખરીદે છે પોતાના આઉટફીટ
સૈફઅલી ખાન અને અમૃતા સિંહની પુત્રી સારા અલી ખાન ઘણી જ સિમ્પલ લાઈફ સ્ટાઈલથી જીવવાનુ પસંદ કરે છે. સારા આજ સુધીના પોતાના કરીયર દરમિયાન ઘણા મોટા ડિઝાઈનરના માટે શો સ્ટોપર પણ બની ચૂકી છે. તેમ છતા તેને સલવાર-કમીઝ જ પહેરવુ વધારે પસંદ છે. સારાએ પોતાના એક ઈન્ટરવ્યુમાં જણાવ્યું તેને દિલ્હીની સસ્તી માર્કેટમાંથી કપડા ખરીદવાનું પસંદ છે. સારાએ Elle India Magazine માં પોતાના એક ઈન્ટરવ્યુમાં કહ્યું, 'તેને વધારે પૈસા ખર્ચ કરવાનું પસંદ નથી', સાથે બ્રાન્ડ પહેરવુ પણ પસંદ નથી. તે દિલ્હીની ફેમસ અને સસ્તી માર્કેટ સરોજની નગરના સલવાર-કમીઝ પહેરીને ખુશ છે સાથે ચંપલ પણ તે પહેરુ છું જે હું મારી ઈનકમમાંથી ખરીદી શકું.
સારા ખાનની વર્કફ્રન્ટ
સારા અલી ખાનના વર્કફ્રન્ટની વાત કરીએ તો હાલમાં રિલીઝ ફિલ્મ 'કુલી નં-1'માં જોવા મળી હતી. આ ફિલ્મમાં તેના ઓપોઝીટ વરુણ ધવન લીડ રોલમાં હતો. આ ફિલ્મ ગોવિંદાની 'કુલી નં-1'ની રીમેક છે. આમ તો આ ફિલ્મ ફ્લોપ રહી છે. સારા જલ્દીથી 'અતરંગી રે' ફિલ્મમાં જોવા મળશે. જેમાં તેની સાથે લીડ રોલમાં અક્ષય કુમાર અને સાઉથ સુપરસ્ટાર ધનુષ મુખ્ય ભુમિકામાં નજર આવશે. આ ફિલ્મને લઈને ફક્ત સારા જ નહી,ફેન્સ પણ ખુબ એક્સાઈડ છે.