કાર્તિક આયર્ન અને સારા અલી ખાન સ્ટારર ફિલ્મ ઈમ્તિયાઝ અલીના કરિયર માટે મહત્વપૂર્ણ ફિલ્મ માનવામાં આવી રહી હતી. આ પહેલાં તેની શાહરૂખ ખાન અને અનુષ્કા શર્મા સ્ટારર ફિલ્મ જબ હેરી મેટ સેજલ ફ્લોપ સાબિત થઈ હતી. આ ફિલ્મના થોડાં વર્ષ પહેલાં રણબીર-દીપિકાની તમાશાને ક્રિટિક્સના થોડાં પોઝિટિવ રિવ્યૂ મળ્યા પરંતુ બોક્સ ઓફિસ પર આ ફિલ્મ ફ્લોપ રહી હતી. એવામાં ઈમ્તિયાઝના ફેન્સ અને ડિરેક્ટર પોતે આ ફિલ્મ હિટ જવાની આશા કરી રહ્યાં હતાં, પરંતુ એવું થઈ શક્યું નહી અને ફિલ્મ ફ્લોપ રહી. ચાલો જાણીએ કારણો.
ઈમ્તિયાઝ અલી આમ તો એક કાબેલ ડિરેક્ટર છે અને એક્ટર્સથી પર્ફોમન્સ કરાવવામાં પણ કામયાબ રહે છે પરંતુ તેઓ લવ આજ કલની લીડ કાસ્ટ સાથે ખાસ કંઈ કમાલ કરી શક્યા નહીં. સારા-કાર્તિક સારું પર્ફોમન્સ આપતા જોવા મળ્યા છે, પરંતુ તેમની કેમિસ્ટ્રીમાં એ એક્સ ફેક્ટર મિસિંગ છે. ખાસ કરીને ઈમોશનલ દ્રશ્યોમાં સારાની એક્ટિંગ ઈમ્પ્રેસિવ નથી.
A post shared by Imtiaz Ali (@imtiazaliofficial) on
આ ફિલ્મમાં એક પણ દ્રશ્ય કાર્તિક-સારા ફિલ્મ તમાશામાં રણબીર-દીપિકાનું આઈકોનિક ઈમોશનલ મોમેન્ટ ક્રિએટ કરી શક્યા નહી. જોકે, રણદીપ હુડ્ડાનું પર્ફોમન્સ સારું છે. હાઈવે પછી રણદીપનું કામ સાબિત કરે છે કે ઈમ્તિયાઝ તેમના કમ્ફર્ટ ઝોનવાળા કલાકારો સાથે કામ કરવું વધુ પસંદ કરે છે.
આ સિવાય ફિલ્મના સ્ક્રીનપ્લેમાં પણ ડેફ્થની કમી જોવા મળી છે અને કોઈપણ કેરેક્ટરને પ્રોપરલી ઈસ્ટાબ્લિશ કરવામાં આવ્યા નથી. આ ફિલ્મનું મ્યુઝિક પ્રીતમે આપ્યું છે અને ઈરશાદ કામિલે લખ્યા છે. અરિજીત સિંહના અવાજમાં 'શાયદ' અને 'હાં મેં ગલત' સોન્ગ્સ ચર્ચામાં રહ્યા પરતું આ ગીતો ફિલ્મની કહાણીમાં પ્રાણ પૂરી શક્યા નહીં. એવું કહી શકાય કે ફિલ્મ જોયા પછી એક પણ ગીત દિલમાં ઉતરતું નથી.
ઈમ્તિયાઝ અલીની ફિલ્મો જોનાર એક વર્ગ એવો પણ છે જે તેમની પરિચિત રોમેન્ટિક ફિલ્મો કરતા અલગ પ્રકારની ફિલ્મોની આશા રાખે છે. આવી સ્થિતિમાં હવે જોવાનું એ રહ્યું કે, થોડાં સમયથી નિષ્ફળતાનો સામનો કરી રહેલા ઇમ્તિયાઝ આગામી સમયમાં તેમના ચાહકો માટે શું રજૂ કરશે.