ડાંગઃ મોબાઈલનો જમાનો આવતા હવે યુવાનોમાં સેલ્ફીનો ક્રેઝ વધ્યો છે. યુવાવર્ગ સેલ્ફી લેવા માટે અવનવા નુસખાઓ અપનાવે છે અને ગમે તેવું જોખમી સાહસ પણ ખેડી લે છે. જો કે ઘણી વખત સાહસ દુર્ઘટનામાં પરીણમે છે તેવા પણ બનાવો બન્યા છે.
આવો જ એક બનાવ ડાંગ જિલ્લાના સાપુતારામાં યુવકની મોતની ઘટના સામે આવી છે. સાપુતારાના ટેબલ પોઇન્ટ પરથી સેલ્ફી લેવાના ચક્કરમાં યુવકે પોતાનો જીવ ગુમાવ્યો છે. સાપુતારાના ટેબલ પોઇન્ટ પરથી યુવક સેલ્ફી લઇ રહ્યો હતો તે દરમિયાન પગ લપસી જતા યુવક ખીણમાં ખાબક્યો હતો.
મહત્વનું છે કે આ યુવક પ્રવાસી હતો અને સાપુતારામાં ફરવા આવ્યો હતો. મળતી માહિતી અનુસાર મૃતક યુવક નવસારીના વિજલપોરનો રહેવાસી હતો. આ ઘટના અંગે પોલીસને જાણ થતા ઘટના સ્થળે પહોંચી હતી અને તપાસ હાથ ધરી હતી.