સાપુતારાથી આહવા જતી એસટીની મીની બસ ખાડીમાં ખાબકી છે. મળતી માહિતી પ્રમાણે માલેગામ નજીક 100 ફૂટ ઊંડી ખાડીમાં બસ ખાબકી છે. જોકે બસમાં સવાર 5 મુસાફરોને સામાન્ય ઈજા જ પહોંચી છે. જેમને સારવાર અર્થે હોસ્પિટલ ખસેડવામાં આવ્યા છે. આ દુર્ઘટના બસના ડ્રાઈવરે સ્ટિયરિંગ પરથી કાબૂ ગુમાવતા સર્જાઈ છે.
આ ઘટના મામલે મળતી માહિતી મુજબ ગત મોડી સાંજે સાપુતારાથી આહવા તરફ જતી એસટી નિગમની મીની બસને ગંભીર અકસ્માત નડ્યો હતો. માલેગામ નજીક ડ્રાઇવરે સ્ટિયરિંગ પરથી કાબૂ ગુમાવતા 100 ફૂટ ઊંડી ખાડીમાં ખાબકતા બસમાં સવાર 5 મુસાફરોને ઇજા પહોંચી હતી.
તાજેતરમાં બનેલ વિદ્યાર્થીઓ ભરેલ બસના અકસ્માતના સમાચારોની શાહી હજી સૂકાઇ નથી ત્યાં ગત મોડી સાંજે વધુ એક બસ ખાડીમાં ખાબકી હોવાની ઘટના પ્રકાશમાં આવતા ચકચાર મચી જવા પામી છે.
જો કે આ ઘટના અંગેની જાણ થતાં જ આસપાસના લોકો તાત્કાલિક અસરથી ઘટના સ્થળે આવી પહોંચ્યા હતા અને રાહત કામગીરી હાથ ધરી હતી અને ઘાયલ થયેલા તમામને નજીકના દવાખાને સારવાર અર્થે ખસેડવામાં આવ્યા હતા. આ દુર્ઘટનામાં કોઇ મોટી જાનહાનિ નહીં થતાં તંત્રએ રાહતનો શ્વાસ લીધો હતો.