અમે ગુજરાતી / VIDEO: હાર્દિકે જર્મનીમાં લલકાર્યું 'કસુંબીનો રંગ' અને 'સપના વિનાની રાત', વિદેશીઓને કરી દીધા મંત્રમુગ્ધ

• અમદાવાદના હાર્દિક ચૌહાણે જર્મનીમાં ગાયું સપના વિનાની આખી રાત ગીત
• કોઇપણ ઇન્સ્ટ્રુમેન્ટ વગર ગીત પ્રસ્તુત કરીને લોકોને કરી દીધા મંત્રમુગ્ધ
• ગુજરાતી ફિલ્મ હેલ્લારોનું ગીત સપના વિનાની આખી રાત પર કર્યું પરફોમ

ગુજરાતી ફિલ્મ હેલ્લારોને બેસ્ટ ફિલ્મનો એવોર્ડ મળ્યો હતો. આ સિવાય ફિલ્મને અનેક એવોર્ડ મળી ચૂક્યા છે. તો આ ફિલ્મનું સિંગર આદિત્ય ગઢવીના સ્વરે ગવાયેલું એક સોંગ 'સપના વિનાની આખી રાત' ખુબ જ લોકપ્રિય થયું હતું. ત્યારે હવે આ જ ગીત જર્મનીમાં ગુંજ્યું હતું. મૂળ અમદાવાદના વતની અને હાલ FSU Jena યુનિવર્સિટીમાં મેડિકલ એન્જિનિયરના અભ્યાસ બાદ હાલ એક કંપનીમાં જોબ કરી રહ્યા છે. કરતા હાર્દિક કમલેશભાઈ ચૌહાણે આ ગીત દોહરાવ્યું છે. સોલીસ્ટ હાર્દિક ચૌહાણે મેડિકલ સ્ટુડન્ટ સાથે આ ગીત પ્રસ્તુત કરીને સૌના દિલ જીતી લીધા હતા. ત્યારે હાર્દિકનું આ સોંગ સોશિયલ મીડિયામાં પણ ખુબ વાયરલ થઇ રહ્યું છે. 

હાર્દિકે કોણ પણ વાજિંત્ર વગર ગાયું છે ગીતઃ કમલેશ ચૌહાણ

VTVGujarat.comએ હાર્દિક ચૌહાણના પિતા કમલેશ ચૌહાણ સાથે વાતચીત કરી હતી. જેમાં તેમણે જણાવ્યું હતું કે, હાર્દિકે આ સોંગ Jena શહેરની Jena યુનિવર્સિટી દ્વારા ચર્ચમાં યોજાયેલા કાર્યક્રમમાં ગાયું હતું. આ પ્રોગ્રામમાં કોઇ પણ વાજિંત્રનો ઉપયોગ થયો નથી.

ગુજરાત ફોલ્ક ખુબ જ પસંદઃ કમલેશ ચૌહાણ

કમલેશ ચૌહાણે જણાવ્યું હતું કે, હાર્દિક ચૌહાણને નાટક અને સંગીતનો શોખ છે છે. તેમને ગુજરાત ફોલ્ક ખુબ જ પસંદ છે. તેમણે આ અગાઉ પણ જર્મનીમાં કેટલાક ગીતો ગાયા હતા. આ વખતે જે 2 ગીત ગાયા છે, તેમાંથી એક છે સપના વિનાની આખી રાત અને બીજુ છે કસંબીનો રંગ. હાર્દિક ચૌહાણે અમદાવાદમાં અનેક જાણીતા સિંગરો સાથે કામ કરેલું છે. તેમણે થિયેટર, નાટકમાં પણ કામ કર્યું હતું.

જોકે તેમના પિતાએ એમ પણ જણાવ્યું હતું કે, તેઓ પોતે પણ સંગીતના ચાહક છે, તે એક વિદ્યાલયમાં મ્યુઝિક ટિચર છે. હાર્દિકના ભાઈ શુભ ચૌહાણ પણ સિંગર છે, આમ આખો પરિવાર સંગીતમાં જ છે.