સપના ચૌધરી એક એવું નામ છે જે સાંભળીએ એટલે બેકગ્રાઉન્ડમાં હરયાણવી ગીત ચાલુ થઇ જાય અને શાનદાર ઠુમકા પણ દેખાવા લાગે. છેલ્લા એક મહિનાથી સપના ચૌધરી સોશ્યલ મિડીયાથી દુર હતી, હાલમાં જ તેણે લાલ કપડામાં કરવાચૌથની તસવીર શૅર કરી છે.
પતિ સાથે સપના ચૌધરી
હરયાણવી ડાન્સર અને એક્સ બિગબોસ કન્ટેસ્ટન્ટ સપનાએ હાલમાં જ દીકરાને જન્મ આપ્યો છે. બાદમાં તેણે તેના પહેલા કરવાચૌથની તસવીર શૅર કરી છે. ટ્રેડિશનલ કપડામાં સપના ખુબ સુંદર લાગી રહી છે. તેની સાથે પતિ વીર સાહુ પણ દેખાઇ રહ્યો છે.
પરિવારમાં ટ્રેજેડીના કારણે ચુપચાપ કર્યા લગ્ન
સપનાએ ઓક્ટોબરમાં દિકરાને જન્મ આપ્યો તે બાદ તે ખુબ ચર્ચામાં હતી. કારણકે તેના લગ્ન ક્યારે અને કોની સાથે થયા તેને લઇને કોઇને પણ ખબર નહોતી. બાદમાં જ્યારે સીધા દિકરાના જન્મવાના સમાચાર આવ્યા ત્યારે ઇન્ડસ્ટ્રીમાં ખળભળાટ મચી ગયો હતો.
લગ્ન વગર દિકરાને જન્મ આપ્યાની વાત જ્યારે આવી ત્યારે સપનાની માતાએ કહ્યું તે લૉકડાઉનમાં વીર અને સપનાએ લગ્ન કરી લીધા હતા. વીરના પરિવારમાં કોઇનું નિધન થઇ ગયુ હતુ જેના કારણે લગ્ન ધામધૂમથી નહી પરંતુ પ્રાઇવેટ સેરેમનીમાં કરવામાં આવ્યા હતા.