રાજકોટઃ શહેરમાં ચોર અને લૂંટારૂઓનો એટલો ત્રાસ વધ્યો છે કે સામાન્ય નાગરિક નહીં પરંતુ ખુદ પોલીસ પાસેથી કેટલાક શખ્સોએ લૂંટ આદરી છે. રાજકોટમાં પોલીસની રિવોલ્વર છીનવીને શખ્સો ફરાર થઇ ગયા છે.
સાપર પોલીસ ASI પાસેથી શખ્સોએ રિવોલ્વર પડાવી લીધી છે. ASI બકુલ વાવેતરને છરી બતાવીને રિવોલ્વર છીનવી લીધી હતી. પોલીસની રિવોલ્વર લઈને ફરાર શખ્સોની શોધખોળ હાથ ધરવામાં આવી છે. સાપર પોલીસે વિસ્તારમાં નાકાબંધી કરીને શોધખોળ આરંભી છે.
આ લૂંટારૂઓ છરીની અણીએ પોલીસ પાસેથી રિવોલ્વર લૂંટીને ફરાર થયા છે. ત્યારે શહેરમાં હવે નાગરિક અને પોલીસ પણ સુરક્ષિત નથી. જો કે રાજકોટમાં અનેક બનાવો સામે આવ્યા છે. લૂંટ હત્યા જેવા ગંભીર ગુનાઓને અસામાજિક તત્વો અંજામ આપી રહ્યા છે. દિવસેને દિવસે ગુંડાગીરીમાં વધારો થઇ રહ્યો છે. આ પ્રકારની ઘટનાઓથી શહેરના નાગરિકોમાં ડર ફેલાય રહ્યો છે. ત્યારે હવે શું પોલીસ કરશે?