કંલક / મહિસાગરમાં ગર્ભપાતના વાઈરલ વીડિયો અંગે પોલીસનો ચોંકાવનારો ખુલાસો, આ મહિલાના ઘરે થતો હતો ગોરખધંધો

• સંતરામપુરામાં ભૃણ હત્યાનો મામલો
• પોલીસ તપાસમાં થયા ખુલાસા
• વીડિયો જૂનો હોવાનો દાવો

મહીસાગરના સંતરામપુરમાં ભૃણ હત્યાનો મામલે મોટો ખુલાસો થયો છે. વાઈરલ વીડિયો મામલે પોલીસે કેટલાક ખુલાસા કર્યા છે. ભૃણ હત્યાનો વીડિયો વાયરલ થયા બાદ તપાસનો ધમધમાટ શરૂ થઈ ચૂક્યો છે. આ વીડિયો સંતરામપુરાના શિકારી ફળિયાનો હોવાનો દાવો થયો છે. જે ઘરમાં ગર્ભપાત કરવામાં આવે છે ત્યાં કાળીબેન સંગાડા નામની મહિલા છેલ્લા 8 વર્ષથી ભાડે રહેતી હતી. કાળીબેનના ઘરમાં તપાસ કરતા ગર્ભપાતની ગોળીઓ પણ મળી આવી છે.

વીડિયોમાં દેખાતા મહિલા હોસ્પિટલમાં નર્સ તરીકે ફરજ બજાવે છે. જો કે, વીડિયોમાં જે મહિલા દેખાય છે તે કાળીબેન હોવાની પુષ્ટી હજી થઇ નથી તેવું નિવેદન પોલીસ દ્વારા કરાયું છે. સ્થળ પર તપાસ કરતા વીડિયો હાલનો નહીં પણ જૂનો હોવાની પણ પોલીસે વાત કરી છે. સાથે એક અન્ય વાત પણ પોલીસ દ્વારા જાણવા મળી કે, કાળીબહેન છેલ્લા 15 દિવસથી ઘરે આવતા નથી. તો જે હોસ્પિટલમાં કાળીબહેન નર્સ તરીકે ફરજ બજાવે છે. ત્યાંના ડૉક્ટરે કહ્યું કે, મારા ધ્યાનમાં ગર્ભપાતની કોઈ ઘટના વિશે જાણમાં આવ્યું નથી.