34 વર્ષ...આ ઉંમરે હજુ આપણા દેશના યુવાનો નોકરીમાં સ્થિરતા માટે પ્રયાસ કરી રહ્યા હોય છે અને લગ્ન અંગે વિચારતા હોય છે. પરંતુ ફીનલેન્ડમાં 34 વર્ષની એક યુવતી દેશની પ્રધાનમંત્રી બની ગઈ છે. એ સાથે જ તેણે ફિનલેન્ડના રાજકીય ઈતિહાસમાં સૌથી નાની ઉંમરે પીએમ બનવાનું બહુમાન મળી ચૂક્યું છે.
34 વર્ષની યુવતી બની PM
સના મરીનની થઈ પસંદગી
ફિનલેન્ડમાં થયું સ્ત્રી સન્માન
માત્ર 34 વર્ષની ઉંમરમાં વડાપ્રધાન!!! આપને ઉંમર સાંભળી નવાઈ લાગશે. પરંતુ આ યુવતી જેનું નામ છે સના મારિન. ફિનલેન્ડની સૌથી નાની ઉંમરની આ યુવતી ફિનલેન્ડની પ્રાઈમમિનિસ્ટર બની છે. ફિનલેન્ડના રાજકીય ઈતિહાસમાં સના મારિનને સૌથી નાની ઉંમરે પીએમ બનવાનું સૌભાગ્ય સાંપડયું છે. ફિનલેન્ડની સોશિયલ ડેમોક્રેટિક પાર્ટીએ રવિવારે પ્રધાનમંત્રીના પદ માટે સના મરીનની પસંદગી કરી.
2015માં તેણી સંસદસભ્ય તરીકે પ્રથમવાર ચૂંટાઇ
સના મારીને પીએમ એન્ટી રિનેને વિશ્વાસમતમાં હરાવ્યા હતા. મારિનનો જન્મ 16 નવેમ્બર,1985માં ફિનલેન્ડમાં થયો હતો. વર્ષ-2015માં તેણી સંસદસભ્ય તરીકે ચૂંટાઈ આવી હતી. સના મારિન પ્રથમવાર 2019માં ફિનલેન્ડ સરકારમાં પરિવહનમંત્રી બની હતી.
34 વર્ષની સના મારીન બન્યા પ્રધાનમંત્રી
આપણા દેશમાં જ્યાં એક તરફ મહિલાઓ પર અત્યાચારના કિસ્સા વધતા જાય છે. મહિઓએ ન્યાય માટે રોજ રોજ સડક પર ઉતરવું પડે છે. તો બીજી તરફ હજુ વિધાનસભા કે સંસદસભામાં મહિલાઓને 33 ટકા અનામતનો અમલ કરવા કોઈપણ પક્ષની ઈચ્છાશક્તિ જોવા મળતી નથી. ત્યારે ફિનલેન્ડ જેવા એ નાનકડા દેશમાં 34 વર્ષની સના મારીન જેવી કોઈ યુવતી પીએમ બની શકે છે તે વાત આપણી સ્ત્રીને પૂજવાની દંભી વાતોને તમાચા સમાન છે. આપને થશે કે,વિશાળ લોકશાહી હોવાનું ગૌરવ લેતા દેશમાં આવા ચમત્કારો કેમ થતા નથી? પરંતુ તે માટે તમારે ફિનલેન્ડની રાજકીય ભૂપૃષ્ઠ પર એક નજર નાખવી પડશે
આટલા સુંદરદેશમાં લોકશાહી પણ ફૂલવા ફાલવાની જ.દરેકની વાતનો વજન પડવાનો જ. અહીં આપણે નારીને નારાયણી માનવાના બદલે તેના સ્ત્રી તરીકેના કુદરતદત્ત અને બંધારણીય હકોનું સન્માન કરીએ તો પણ ઘણું કહેવાશે...