બોક્સ ઑફિસ પર તમામ રેકોર્ડ તોડી ચૂકેલી ફિલ્મ 'સંજૂ' માત્ર દેશમાં જ નહીં પરંતુ વિદેશોમાં પણ ધૂમ મચાવી રહી છે.
દુબઇમાં સંજય દત્તની જિંદગીને નજીકથી જાણવા માટે લોકો એટલા આતુર થઇ ગયા છે કે થિયેટરની બહાર લાંબી લાઇન લાગી છે. લોકોનો ક્રેઝ જોઇને સરકારે દુબઇમાં 24 કલાક સુધી થિયેટર ચાલુ રાખવાની પરવાનગી આપી દીધી છે. જોકે તેમ પણ કહેવામાં આવી રહ્યુ છે કે માત્ર વિકેન્ડના 2 દિવસ (શુક્રવાર અને શનિવાર)ના જ દિવસે 24 કલાક સુધી થિયેટર ચાલુ રહેશે. આ બંને દિવસોમાં સવારે 4:30 વાગે અને 6:00ના શો રાખવામાં આવ્યા છે. આ પરથી જરૂર કહી શકાય દેશ સિવાય વિદેશમાં પણ 'સંજૂ બાબા'ના ઘણા ફેન્સ છે.
જો ફિલ્મના વર્લ્ડવાઇડ ક્લેક્શનની જો વાત કરવામાં આવે ફિલ્મે લગભગ 202 કરોડ રૂપિયાની કમાણી કરી છે. રાજકુમાર હિરાનીના ડિરેક્શનમાં બનેલી ફિલ્મે 4 દિવસમાં 145 કરોડની કમાણી કરી ચૂકી છે અને ફિલ્મના શો હાલમાં પણ હાઉસફૂલ જઇ રહ્યા છે. ફિલ્મે યૂએસ અને કેનેડામાં લગભગ 17 કરોડ ગલ્ફ દેશોમાં 12 કરોડ ઑસ્ટ્રેલિયામાં લગભગ 4.5 કરોડ અને યૂકેમાં લગભગ 4 કરોડ રૂપિયાની કમાણી કરી છે. ફિલ્મે પાકિસ્તાનમાં પણ સારો બિઝનેસ કર્યો છે. કહેવામાં આવ્યુ છે કે અહીંયા ફિલ્મ 5.5 કરોડ રૂપિયાની કમાણી કરી છે.
ફિલ્મની જો વાત કરવામાં આવે તો સંજય દત્તની જિંદગી પર આ એક બાયોપિક છે. સંજય દત્તનું કેરેક્ટર રણબીર કપૂર પ્લે કરી રહ્યો છે. આ ફિલ્મમાં રણબીર કપૂર સિવાય પરેશ રાવલ દિયા મિર્ઝા અનુષ્કા શર્મા સોનમ કપૂર મનીષા કોઇરાલા અને વિક્કી કૌશલ પણ જોવા મળી રહ્યા છે.