ક્રિકેટ / સંજુ સેમસને રચ્યો ઈતિહાસ, સાઉથ આફ્રિકા સદી ફટકારી બનાવ્યા આટલા રેકોર્ડ

ભારત અને દક્ષિણ આફ્રિકા વચ્ચે પ્રથમ T20 મેચ 8 નવેમ્બરના રોજ કિંગ્સમીડ ક્રિકેટ સ્ટેડિયમમાં રમાઈ હતી. આ મેચમાં ટીમ ઈન્ડિયાએ દક્ષિણ આફ્રિકાને 61 રનથી હરાવ્યું હતું અને હવે આ સીરિઝમાં ટીમ ઈન્ડિયા 1-0થી આગળ છે.

સંજુ સેમસને દક્ષિણ આફ્રિકા સામે પ્રથમ T20માં ઐતિહાસિક સદી ફટકારી હતી. તેણે 47 બોલમાં પોતાની સદી પૂરી કરી હતી. આ સાથે તે T20Iમાં બે બેક ટુ બેક સદી ફટકારનાર પ્રથમ ભારતીય બન્યો. અગાઉની T20 મેચમાં સેમસને બાંગ્લાદેશ સામે હૈદરાબાદમાં સદી ફટકારી હતી.

શાનદાર શૈલીમાં બેટિંગ કરતા તેણે માત્ર 27 બોલમાં પોતાની અડધી સદી પૂરી કરી હતી, એ બાદ 47 બોલમાં પોતાની ઇનિંગ્સને સદી ફટકારી હતી. સંજુ 50 બોલમાં 7 ચોગ્ગા અને 10 છગ્ગાની મદદથી 107 રન બનાવીને આઉટ થયો હતો.

આટલું જ નહીં સેમસન સતત બે T20 ઈન્ટરનેશનલમાં સદી ફટકારનાર ભારતનો પ્રથમ અને વિશ્વનો ચોથો બેટ્સમેન બન્યો છે. તેમના પહેલા ફ્રાન્સના ગુસ્તાવ મેકેન, દક્ષિણ આફ્રિકાના રિલે રોસો અને ઈંગ્લેન્ડના ફિલ સોલ્ટ આ કામ કરી ચુક્યા છે. આ સાથે સેમસન એકથી વધુ સદી ફટકારનાર ચોથો ભારતીય બન્યો છે. રોહિત શર્માએ ભારત માટે સૌથી વધુ 5 સદી ફટકારી છે. તેના પછી સૂર્યકુમારે 4 અને કેએલ રાહુલે 2-2 સદી ફટકારી છે.

વધુ વાંચો: ડર્બનમાં સાઉથ આફ્રિકા સામેની પ્રથમ મેચમાં ભારતની 61 રને જીત, ભારતની બોલિંગ સામે દ.આફ્રિકાના બેટ્સમેનો ઘુંટણીયે

સંજુ સેમસને અત્યાર સુધીમાં 282 T20 મેચ રમી છે, જેમાં તેણે લગભગ 30ની એવરેજથી 7,048 રન બનાવ્યા છે. આ દરમિયાન તેણે 5 સદી અને 46 અડધી સદી પોતાના નામે કરી છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ