ક્રિકેટ / સંજુ સેમસને બનાવ્યો વર્લ્ડ રેકોર્ડ, એ કામ કરી બતાવ્યું જે ધોની પણ નથી કરી શક્યો

• ભારતના વિકેટ કીપર બેટર સંજૂ સેમસને ખાસ રેકોર્ડ બનાવ્યો
• ઝીમ્બાબ્વેમાં આવુ કરનાર પહેલો ભારતીય વિકેટકીપર
• સંજૂએ બીજી વન-ડેમાં 39 બોલમાં અણનમ 43 રન બનાવ્યાં

ભારતીય ટીમે ઝીમ્બાબ્વેને 5 વિકેટથી હરાવ્યું

ભારતીય ટીમે ઝીમ્બાબ્વેને વન-ડે સીરીઝની બીજી મેચમાં 5 વિકેટથી હરાવ્યું. આ જીત સાથે ભારતીય ટીમે 3 મેચની સીરીઝ પર 2-0થી પ્રભુત્વ જમાવ્યું છે. હવે સીરીઝની અંતિમ મેચ રમવામાં આવશે. બીજી વન-ડેમાં ભારત માટે વિકેટ કીપર બેટર સંજૂ સેમસને સારું પ્રદર્શન કર્યુ. જેના માટે તેમને મેન ઑફ ધ મેચ એવોર્ડ આપવામાં આવ્યો. સેમસને એક ખાસ રેકોર્ડ પોતાના નામે કર્યો. 

સંજૂ મેન ઑફ ધ મેચ એવોર્ડ જીતનાર પહેલો ભારતીય વિકેટકીપર બેટર બન્યો 

સંજૂ ઝીમ્બાબ્વેમાં મેન ઑફ ધ મેચ એવોર્ડ જીતનાર પહેલો ભારતીય વિકેટકીપર બેટર બની ગયો છે. આની પહેલા કોઈ પણ ભારતીય વિકેટકીપર આવુ કરી શક્યો નથી. સંજૂએ બીજી વન-ડેમાં 39 બોલનો સામનો કરીને અણનમ 43 રન બનાવ્યાં. તેની આ ઈનિંગમાં ત્રણ ચોગ્ગા અને 4 છગ્ગા સામેલ રહ્યાં. સેમસને આ મેચમાં 110.26ની સ્ટ્રાઈક રેટની સાથે રન બનાવ્યાં. 

શાર્દૂલ ઠાકુરની પ્રશંસનીય બોલિંગ 

ઝીમ્બાબ્વેએ પહેલા બેટીંગ કરી 38.1 ઓવરમાં ઓલઆઉટ થાય ત્યાં સુધી 161 રન બનાવ્યાં. આ દરમ્યાન ભારત માટે શાર્દૂલ ઠાકુરે સારી બોલિંગ કરી. ઠાકુરે 7 ઓવરમાં 38 રન આપીને ત્રણ વિકેટ લીધી. મોહમ્મદ સિરાજે 8 ઓવરમાં 16 રન આપીને એક વિકેટ લીધી. સિરાજે એક મેડન ઓવર પણ કાઢી. પ્રસિદ્ધ કૃષ્ણા, અક્ષર પટેલ, કુલદીપ યાદવ અને દીપક હુડ્ડાને પણ એક-એક વિકેટ મળી.