પ્રતિક્રિયા / મારુ માથુ વાઢી નાખશો તો પણ આ ધંધો તો ક્યારેય નહીં કરું, ઈડીના સમન્સ પર સંજય રાઉતનો તેજાબી જવાબ

• મહારાષ્ટ્રના રાજકીય દંગલમાં ઈડીની એન્ટ્રી
• ઈડીએ સંજય રાઉતને જમીન કૌભાંડમાં સમન મોકલ્યું
• સંજય રાઉતે તેજાબી નિવેદન આપ્યું

મહારાષ્ટ્રમાં ચાલી રહેલા સંકટ વચ્ચે એન્ફોર્સમેન્ટ ડિરેક્ટોરેટના સમન્સથી શિવસેનાને મોટો ઝટકો લાગ્યો છે. હકીકતમાં જોઈએ તો, ઈડીએ પાત્રા ચોલ જમીન કૌભાંડમાં શિવસેના સાંસદ સંજય રાઉતને સમન્સ મોકલ્યું છે, તેમને આવતીકાલે પુછપરછ માટે બોલાવ્યા છે. તેને લઈને શિવસેના, કોંગ્રેસને લઈને ટીએમસી સુધી ભાજપ પર પ્રહાર કરી રહ્યા છે. આ બાજૂ સંજય રાઉતે કહ્યું છે કે, તેમનું માથુ વાઢી નાખશે તો પણ તેઓ ગુવાહટી બાજૂ નહીં જાય.

સંજય રાઉતે પણ ઈડીની કાર્યવાહી પર પ્રતિક્રિયા આપતા કહ્યું કે, મને જાણવા મળ્યું છે કે, ઈડીએ સમન મોકલ્યું છે. સારુ છે. મહારાષ્ટ્રમાં મોટો રાજકીય ઘટનાક્રમ ચાલી રહ્યો છે. અમે બાલાસાહેબના શિવસૈનિકો મોટી લડાઈ લડી રહ્યા છીએ, આ મને રોકવા માટે મોટુ ષડયંત્ર છે. જો મારુ માથુ વાઢી નાખશે, તો પણ હું ગુવાહટીના રસ્તે નહીં જાવ.

I just came to know that the ED has summoned me.

Good ! There are big political developments in Maharashtra. We, Balasaheb's Shivsainiks are fighting a big battle. This is a conspiracy to stop me. Even if you behead me, I won't take the Guwahati route.

Arrest me !
Jai Hind! pic.twitter.com/VeL6qMQYgr

— Sanjay Raut (@rautsanjay61) June 27, 2022

કેન્દ્ર સરકાર પર પ્રહારો

શિવસેના સાંસદ પ્રિયંકા ચતુર્વેદીએ ટ્વિટ કર્યું છે અને કહ્યું છે કે, ભાજપથી પરમ ભક્તિનું સૌથી મોટુ ઉદાહરણ રજૂ કરતો ઈડી વિભાગ.

આપના સાંસદ સંજય સિંહે કહ્યું કે, ઈડીના કાર્યાલયનું નામ બદલીને ભાજપ કાર્યાલય રાખી દેવું જોઈએ. સંજય રાઉતે કોઈ ગુનો કર્યો હોય તો, ઈડી અત્યાર સુધી શા માટે સુતી રહી ? શું ઈડીને MLA કિડનેંપિંગ ગેંગે (ભાજપે) આદેશ આપ્યો છે.? 

કોંગ્રેસ નેતા પૃથ્વીરાજ ચૌહાણે કહ્યું છે કે, ઈડીની કાર્યવાહી દિલ્હીથી સુનિયોજિત છે. અમે આગામી રણનીતિ માટે સુપ્રીમ કોર્ટના ચુકાદાની રાહ જોઈ રહ્યા છીએ.

ટીએમસી પાર્ટીના નેતા સાકેત ગોખલેએ ટ્વિટ કરીને કહ્યું કે, અનુમાન મુજબ ઈડીએ હજૂ શિવસેના સાંસદ સંજય રાઉત અને નેતાને સમન જાહેર કર્યું છે. તેમને કાલે પૂછપરછ માટે બોલાવ્યા છે. આ વિડંબના છે કે, મોદી કેટલા બેશર્મીથી ઈમરજન્સીની વાત કરે છે. જ્યારે તેમની સરકાર ખુલ્લી રીતે વિપક્ષી નેતાઓને ટાર્ગેટ કરી અને સરકાર પાડવા માટે એજન્સીઓનો ઉપયોગ કરી રહી છે.