સંજય રાઉતે કહ્યું કે, 2024માં કોંગ્રેસ સાથે ગઠબંધન સરકાર સત્તામાં આવશે, જે વર્તમાન સરકારના શાસનનો અંત લાવશે.
સાંસદ સંજય રાઉતે ભાજપ પર આકરા પ્રહારો કર્યા
ભારતીય રાજનીતિમાં BJP રહેશે પરંતુ વિપક્ષી પાર્ટી તરીકે
અમે યુપીમાં નાના ખેલાડી છીએ પરંતુ ચૂંટણી લડીશું
સાંસદ સંજય રાઉતે ભાજપ પર આકરા પ્રહારો કર્યા
શિવસેનાના સાંસદ સંજય રાઉતે શનિવારે શાસક પક્ષ ભાજપ પર આકરા પ્રહારો કર્યા હતા. તેમણે કહ્યું કે કોંગ્રેસ સાથે ગઠબંધન સરકાર 2024માં સત્તામાં આવશે, વર્તમાન એક પક્ષીય સરકારના શાસનનો અંત લાવશે. પુણે પ્રેસ ક્લબ દ્વારા આયોજિત જેએસ કરંદીકર મેમોરિયલ લેક્ચરને સંબોધિત કર્યા પછી પુણેમાં પત્રકારો સાથે વાત કરતા, રાઉતે કહ્યું કે કોંગ્રેસ વિના કોઈ સરકાર બનાવી શકાતી નથી. કોંગ્રેસ દેશની મુખ્ય પાર્ટી છે. કોંગ્રેસ વિરોધ પક્ષ પણ છે અને અન્ય પ્રાદેશિક પક્ષો પણ છે.
ભારતીય રાજનીતિમાં ભાજપ રહેશે પરંતુ વિપક્ષી પાર્ટી તરીકે
બીજી બાજુ જ્યારે રાઉતને રાજકીય વ્યૂહરચનાકાર પ્રશાંત કિશોરના કથિત નિવેદન કે 'ભાજપ ઘણા દાયકાઓ સુધી સત્તામાં રહેશે' વિશે પૂછવામાં આવ્યું ત્યારે તેમણે કહ્યું કે ભાજપ ભારતીય રાજકારણમાં રહેશે પરંતુ વિપક્ષી પાર્ટી તરીકે. ભાજપ દાવો કરે છે કે તે વિશ્વની સૌથી મોટી પાર્ટી છે. જો વિશ્વની સૌથી મોટી પાર્ટી ચૂંટણી હારે છે, તો તે વિરોધ પક્ષ બની જાય છે. ઉદાહરણ તરીકે મહારાષ્ટ્રમાં ભાજપ 105 ધારાસભ્યો સાથે મુખ્ય વિરોધ પક્ષ છે.
અમે યુપીમાં નાના ખેલાડી છીએ પરંતુ ચૂંટણી લડીશું
બીજેપી શાસિત ઉત્તર પ્રદેશમાં આગામી વિધાનસભા ચૂંટણીઓ વિશે બોલતા, રાઉતે કહ્યું, "હાલમાં અમે દાદરા, નગર હવેલી અને ગોવામાં ધ્યાન કેન્દ્રિત કરી રહ્યા છીએ. યુપી ચૂંટણીમાં હજુ સમય છે. અમે યુપીમાં નાના ખેલાડી છીએ પરંતુ અમે ચૂંટણી લડીશું.