61 વર્ષના સંજય દત્તે કોરોના વેક્સિન લગાવતા પોતાની તસવીર સોશિયલ મીડિયા પર શેર કરી છે. સાથે જ તેણે આ તસવીર શેર કરવાની સાથે ડોક્ટક્સના શ્રેષ્ઠ કામ માટે તેમને શુભેચ્છા પણ પાઠવી છે.
સંજય દત્તે ટ્વિટ કરીને લખ્યું- મૈં આજે બીકેસી વેક્સિન સેન્ટરમાં કોવિડ-19ની પહેલી વેક્સિન લગાવી દીધી. હું ડોક્ટર ધેરે અને તેમની સમગ્ર ટીમને તેમના શ્રેષ્ઠ કામ બદલ શુભેચ્છા પાઠવું છું. તેમના માટે અને તેમના કામ માટે મારા મનમાં ઘણો પ્રેમ અને સન્માન છે. જય હિંદ.
Received my first shot of the COVID-19 vaccine today at the BKC vaccine center.
I want to congratulate Dr. Dhere and his entire team for doing such a wonderful job! I have so much love & respect for them & their hard work. Jai Hind! pic.twitter.com/LcSNoAsf0G
અગાઉ સૈફ અલી ખાન, રાકેશ રોશન, હેમા માલિની, કમલ હાસન, સતિષ શાહ, શિલ્પા શિરોડકર, જોની લિવર અને મેઘના નાયડુ જેવા સેલેબ્સ કોરોના વેક્સિન લગાવી ચૂક્યા છે. આ બધાની તસવીરો ઇન્ટરનેટ પર ચર્ચામાં રહી હતી.
સંજયે કામમાંથી લીધો હતો બ્રેક
તમને જણાવી દઈએ કે, સંજય દત્તે ગયા વર્ષે ઓક્ટોબરમાં તેની તબિયતની સ્થિતિને ધ્યાનમાં રાખીને કામથી નાનકડો બ્રેક લીધો હતો. તે કેન્સર જેવા ગંભીર રોગ સામે લડ્યો અને લગભગ એક મહિના પછી કામ શરૂ કર્યું.
સંજય આ ફિલ્મોમાં જોવા મળશે
વર્ક ફ્રન્ટની વાત કરીએ તો સંજય છેલ્લે 'સડક 2'માં આલિયા ભટ્ટ અને આદિત્ય રોય કપૂર જેવા કલાકારો સાથે જોવા મળ્યો હતો. હવે તે 'કેજીએફ: ચેપ્ટર 2', 'ભુજ: ધ પ્રાઇડ ઓફ ઇન્ડિયા' અને 'પૃથ્વીરાજ' જેવી ફિલ્મોમાં દેખાશે.