બોલિવૂડના દિગ્ગજ અભિનેતા સંજય દત્તના ફેન્સ માટે એક ખુશખબર છે. દિવાળીથી પહેલા સંજયના સાજા થવાની વાત હતી પરંતુ સંજયે દિવાળી પહેલા જ કેન્સરથી જંગ જીતી લીધી છે.
સંજય દત્તે જીતી કેન્સર સામે જંગ
સંજયને હતુ ફેફસાનુ કેન્સર
બાળકોના જન્મ દિવસે આવી ખુશખબર
સંજયે પોતે જ ટ્વિટ કરીને તેના ફેન્સને આ જાણકારી આપી છે. તેમણે લખ્યું કે, છેલ્લા થોડા અઠવાડિયા મારા અને મારા પરિવાર માટે ખુબ મુશ્કેલ રહ્યાં છે. એવુ કહેવામાં આવે છે કે ઇશ્વર સૌથી વધારે ટફ લડાઇઓ સ્ટ્રોંગ ફાઇટર્સને જ આપે છે. આજે મારા દિકરાના જન્મદિવસ પર હું ખુશ છું, આ લડાઇ જીતીને અને સર્વશ્રેષ્ઠ ગિફ્ટ આપવા યોગ્ય બનાવવા માટે.
My heart is filled with gratitude as I share this news with all of you today. Thank you 🙏🏻 pic.twitter.com/81sGvWWpoe
તમારા તરફથી આ સપોર્ટ ન મળ્યો હોત તો આ સંભવ ન થઇ શક્યુ હોત. મારા મિત્રો, પરિવાર અને ફેન્સનો આભારી છુ જે આવા સમયમાં મારી સાથે ઉભા રહ્યાં.
વધુમાં સંજયે લખ્યુ કે, ખાસ કરીને ડૉક્ટર સેવાંતી અને તેમની ટીમનો આભારી છું. આ સારા સમાચાર આપતી વખતે મારુ હ્રદય આભારથી ભરાઇ ગયુ છે. હું હાથ જોડીને સૌનો ધન્યવાદ કરુ છુ.
સંજય દત્તને હતુ લંગ કેન્સર
તમને જણાવી દઇએ કે, સંજય દત્તને લંગ કેન્સર હતું, તેમને શ્વાસ લેવામાં તકલીફ પડતી હતી જેથી તે મુંબઇના લીલાવતી હોસ્પિટલમાં તપાસ માટે ગયા હતા. તે સમયે કેન્સરની વાત સામે આવી હતી.