અર્જુન કપૂર, કૃતિ સેનન અમે સંજય દત્ત પાણીપત ફિલ્મમાં નજર આવવાના છે. આ મૂવી 6 ડીસેમ્બરનાં રોજ રીલીઝ થશે. ફિલ્મની સ્ટારકાસ્ટ હાલમાં જોર-શોરથી પ્રમોશન કરી રહી છે. ટેલીવિઝન પર આવતા અલગ અલગ શો પર જઈને ફિલ્મનું પ્રમોશન કરવામાં આવી રહ્યું છે. ફિલ્મની સ્ટારકાસ્ટ કપિલ શર્મા શોમાં આવવાની છે જ્યાં ખુબ મસ્તી કરતા દેખાશે.
સંજય દત્તે કપિલ સાથે શેર કરી પોતાના જીવનની સંઘર્ષ સમયની વાત
સંજય દત્તે કહ્યું હજુ તેમની જર્ની સમાપ્ત નથી થઇ
કૃતિ સેનનથી ખુબ પ્રભાવિત હોવાની વાત સ્વીકારી
કપિલ શર્મા શોમાં પાણીપતની સ્ટારકાસ્ટ
સંજય દત્તનાં જીવનમાં ઘણા ઉતાર ચડાવ આવ્યા છે ત્યારે અહિયાં પણ તે પોતાના જીવનની આ વાતો કરશે. જીવનમાં કરેલાં સંઘર્ષ વિષે પણ તેઓ માહિતી આપશે. સાથેસાથે સંજય ખુબ કોમેડી પણ કરાવે છે. કપિલ શર્માએ સંજય દત્ત સાથે 308 ગર્લફ્રેન્ડનાં વિશે વાત કરે છે જેમાં સંજય ખુબ રમુજી જવાબ આપે છે.
કૃતિ સેનન 309મી ગર્લફ્રેન્ડ ?
સંજય દત્ત રમુજી અંદાજમાં કહે છે કે તેમની ગર્લફ્રેન્ડનાં કાઉન્ટ હજુ ચાલુ જ છે કારણ કે તે માને છે કે તેમની જર્ની હજુ સમાપ્ત નથી થઇ. પાણીપતની કૉસ્ટાર કૃતિ સેનન વિશે વાત કરતા તેઓ કહે છે કે તેઓ કૃતિ ખુબ પ્રભાવિત છે અને તે તેમની 309મી ગર્લફ્રેન્ડ બની શકે છે. આ વાત સાંભળ્યા બાદ બધા જ ત્યાં હસવા લાગે છે.
ફિલ્મ પ્રથમ દિવસે 8 કરોડનો કારોબાર કરી શકે
નોંધનીય છે કે મૂવીમાં સંજય દત્ત, કૃતિ સેનન અને અર્જુન કપૂર પ્રમુખ ભૂમિકામાં છે. આ ફિલ્મ આશુતોષ ગોવારકરે બનાવી છે, આશુતોષની ફિલ્મ લોકોને ખુબ પસંદ આવે છે. ફિલ્મનું બજેટ 70 કરોડનું છે જેની સામે એક રીપોર્ટ અનુસાર આ ફિલ્મ પ્રથમ દિવસે 8 કરોડનો કારોબાર કરી શકે છે.
સંજય દત્તે પોતાનો લૂક સોશિયલ મીડિયામાં પણ શેર કર્યો છે: