બોલિવૂડ એક્ટર સંજય દત્તે હાલમાં જ કેન્સરને મ્હાત આપવાની ખુશખબરી ફેન્સ સાથે શેર કરી હતી. હવે તે પરિવાર સાથે સમય પસાર કરી રહ્યો છે. ત્યારે તેનો નવો લુક ખૂબ જ વાયરલ થઈ રહ્યો છે. તેણે પ્લેટિનમ બ્લોન્ડ હેર સ્ટાઈલ કરાવી છે.
સંજુ બાબાએ કેન્સરને આપી મ્હાત
કેન્સરને હરાવ્યા બાદ બાબાની આ તસવીર થઈ રહી છે વાયરલ
સંજય દત્તના આ નવા લુકની તસવીરો તેના મિત્ર અને હેર સ્ટાઈલિસ્ટ હાકિમ આલિમે સોશિયલ મીડિયા પર શેર કરી રહી છે. આ વખતે સંજયે તેના વાળ પર શોર્ટ પ્લેટિનમ બ્લોન્ડ હેરસ્ટાઈલ ટ્રાઈ કરી છે. દાઢી સાથે તેનો આ લુક ઘણો જ સ્ટાઈલિસ્ટ લાગી રહ્યો છે. ફેન્સને પણ બાબાનો આ અવતાર પસંદ આવી રહ્યો છે.
વાયરલ તસવીરોમાં સંજયે ડિઝાઈનર ચશ્માની સાથે કાનમાં સ્ટડ પર પહેર્યા છે. તેણે બ્લૂ ટીશર્ટ પહેરી છે અને બાઈસેપ્સ પર ટેટૂ દેખાઈ રહ્યું છે. સંજય દત્ત ઓગસ્ટમાં હોસ્પિટલમાં એડમિટ હતો. એ પછી તેને લંગ કેન્સર હોવાના સમાચાર સામે આવ્યા. રિપોર્ટ્સ મુજબ તેણે મુંબઈમાં આની ટ્રીટમેન્ટ કરાવી અને 2 મહિના બાદ બાળકોના બર્થડે પર તે કેન્સર મુક્ત થઈ ગયો હોવાના સમાચાર આપ્યા હતા.