નવા વર્ષની શરૂઆતમાં ઘણાં બોલિવૂડ સેલેબ્સે ઘર ખરીદ્યા તો હવે સંજુ બાબાએ પણ 4 નવા ફ્લેટ્સ પત્નીને ગિફ્ટ કર્યાં. પરંતુ એક જ સપ્તાહમાં માન્યતાએ ગિફ્ટ પરત કરી દીધી.
નવા વર્ષની શરૂઆતમાં ઘણાં બોલિવૂડ સેલેબ્સે નવા ઘર ખરીદ્યા
સંજય દત્તએ માન્યતા માટે ખરીદ્યા 100 કરોડના 4 આલીશાન ફ્લેટ
એક જ સપ્તાહમાં માન્યતાએ ગિફ્ટ પરત કરી દીધી
નવા વર્ષની શરૂઆતમાં ઘણાં બોલિવૂડ સેલેબ્સે તેમના સપના પૂરા કર્યા અને નવા ઘર ખરીદ્યા. બોલિવૂડમાં 'બાબા' તરીકે જાણીતા અભિનેતા સંજય દત્ત એવો સેલિબ્રિટી છે જેને આલીશાન જીવન જીવવું પસંદ છે. કેન્સર સામેની જંગ જીત્યા બાદ તેણે તેની પત્ની માનતાને ચાર મોંઘા ફ્લેટ ગિફ્ટ કર્યા, જેની કિંમત 100 કરોડ રૂપિયાથી વધારે છે, પરંતુ માનતાએ આ ફ્લેટ્સ પરત કરી દીધા. લોકોને જાણીને આશ્ચર્ય થાય છે કે માનતાએ આવું કેમ કર્યું?
સંજય દત્તે ચાર રૂમના આલીશાન એપાર્ટમેન્ટમાં પૈસા ઈન્વેસ્ટ કર્યા છે. બાન્દ્રાના પાલી હિલ એરિયામાં સંજય દત્તે પત્ની માટે ઘર ખરીદ્યા છે. પણ માન્યતાએ સંજય દત્તની આ ગિફ્ટ લેવાનું ઈન્કાર કરી દીધું. ગયા વર્ષે 23 ડિસેમ્બરે સંજયે માન્યતાને ફ્લેટ ગિફ્ટ કર્યા હતા, પરંતુ માન્યતા 29 ડિસેમ્બરે જ તેને પરત કરી દીધા.
સંજય દત્તે ગિફ્ટમાં આપેલા આ એપાર્ટમેન્ટ્સ મુંબઈના પાલી હિલ સ્થિત ઇમ્પીરિિયલ હાઇટ્સ બિલ્ડિંગમાં હતા, જ્યાં ઘણાં અન્ય બોલિવૂડ સ્ટાર્સ રહે છે. મીડિયા રિપોર્ટ્સ અનુસાર બે ફ્લેટ્સ ત્રીજા અને ચોથા માળ પર સ્થિત હતા, જ્યારે બાકીના બે ફ્લેટ્સ 11મા અને 12મા માળ પર સ્થિત હતા. આ ચાર ફ્લેટની માર્કેટ વેલ્યૂ 100 કરોડ રૂપિયાથી પણ વધુ હતી. જોકે, ટેક્સથી જોડાયેલ લેવડદેવડને કારણે માન્યતાએ આ ફ્લેટ્સ પરત આપી દીધા.
ગયા વર્ષે ઓગસ્ટ 2020માં સંજય દત્તને લંગ કેન્સર થયું હતું અને તેને સારવાર માટે મુંબઇની હોસ્પિટલમાં દાખલ કરવામાં આવ્યો હતો. જે બાદ સંજય દત્ત કેન્સર જેવા ગંભીર રોગને હરાવીને ફિલ્મી દુનિયામાં પરત ફર્યો છે.
વર્કફ્રન્ટની વાત કરીએ તો સંજય દત્ત છેલ્લે ફિલ્મ 'સડક 2' માં જોવા મળ્યો હતો. આલિયા ભટ્ટ પણ આ ફિલ્મમાં મુખ્ય ભૂમિકામાં જોવા મળી હતી. તે ટૂંક સમયમાં સાઉથના સુપરસ્ટાર યશ સાથે ફિલ્મ કેજીએફ-2માં જોવા મળશે. આ ફિલ્મમાં સંજય દત્ત અધિરાની ભૂમિકા ભજવશે, જેનો લુક પણ થોડા દિવસો પહેલાં રિલીઝ થયો હતો.