ઓગસ્ટમાં જ્યારે સંજય દત્તને ફેફસાનું કેન્સર હોવાના સમાચાર સામે આવ્યા તો તેનો પરિવાર, બોલિવૂડ અને તેના ફેન્સ બધાં જ ચિંતામાં મૂકાઈ ગયા. જોકે, હાલ સંજય દત્ત કેન્સરની સારવાર લઈ રહ્યો છે. હાલમાં જ સંજય દત્તનો એક વીડિયો સોશિયલ મીડિયા પર ખૂબ જ વાયરલ થઈ રહ્યો છે. જેમાં તે હેર કટ કરાવ્યા બાદ કહી રહ્યો છે કે હું કેન્સરને હરાવી દઈશ. આ વીડિયો પ્રખ્યાત હેર સ્ટાઈલિસ્ટ આલિમ હકીમે પોસ્ટ કર્યો છે. આ વીડિયોમાં સંજુએ તેની આગામી ફિલ્મ કેજીએફને લઈને પણ એક મોટી જાણકારી ફેન્સને આપી છે.
સંજય દત્ત કરાવી રહ્યો છે કેન્સરની સારવાર
તો હાલમાં સંજય દત્તનો એક વીડિયો થયો વાયરલ
કેન્સરને લઈને બાબા કહી રહ્યો છે આ વાત
પ્રખ્યાત હેર સ્ટાઈલિસ્ટ આલિમ હકીમએ આ વીડિયો શેર કરીને લખ્યું, 'દયાળુ સ્વભાવવાળા અમારા રોકસ્ટાર સંજય દત્ત સલૂનમાં છે. વીડિયોમાં સંજય દત્ત કહે છે કે, 'હાય હું સંજય દત્ત છું, સલૂનમાં આવીને સારું લાગ્યું. મેં હેર કટ કરાવ્યા છે. જો તમે જોઈ શકો છો તો હું તમને જણાવવા માંગુ છું કે મારા જીવનમાં એક નવા ઘાએ એન્ટ્રી લીધી છે. પણ હું તેને હરાવી દઇશ. હું આ કેન્સરની બીમારીથી જલ્દી જ છુટકારો મેળવી લઈશ.
આ વીડિયોમાં તેણે તેની અપકમિંગ ફિલ્મ KGF-2ની પણ માહિતી આપી છે. તેણે કહ્યું કે તે KGF માટે દાઢી વધારી રહ્યો છે. જેનું શૂટિંગ નવેમ્બરમાં શરૂ થશે. તે આ ફિલ્મમાં મેન વિલન અધીરાનો રોલ પ્લે કરી રહ્યો છે. KGF ચેપ્ટર-2 ઉપરાંત સંજય દત્તની પાસે ઘણી ફિલ્મો છે, જેમાં ભુજ ધ પ્રાઇડ ઓફ ઇન્ડિયા, ટોરબાઝ, શમશેરા, અને પૃથ્વીરાજ જેવી ફિલ્મો સામેલ છે.
તમને જણાવી દઈએ કે, કોરોનાકાળમાં સંજય દત્તની ફિલ્મ 'સડક-2' રિલીઝ થઈ હતી. આ ફિલ્મમાં તે પૂજા ભટ્ટ, આલિયા ભટ્ટ અને આદિત્ય રોય કપૂરની સાથે જોવા મળ્યો હતો. સુશાંતના નિધન બાદ ઈન્ડસ્ટ્રીમાં નેપોટિઝ્મનો શિકાર આ ફિલ્મ થઇ હતી. મહેશ ભટ્ટ નિર્દેશિત આ ફિલ્મના ટ્રેલરને યૂટ્યુબ પર 12 મિલિયનથી વધુ ડિસ્લાઈક્સ મળ્યા હતા જે એક રેકોર્ડ હતો.