IPLIN
 

Help / મુંબઇના ડબ્બાવાળાઓની મદદે આવ્યા સુનિલ શેટ્ટી અને સંજય દત્ત, રોજ કરે છે આ કામ

Team VTV 12:55 PM, 14 Jul 20
Follow us
sanjay dutt and suneil shetty providing food kits to mumbai's dabbawala

કોરોના મહામારીમાંથી આખો દેશ પસાર થઇ રહ્યો છે, મહામારીના કારણે ઘણા લોકો બેરોજગાર પણ બન્યા છે. અનલૉક બાદ પરિવારનું ભરણપોષણ કેટલાક લોકો માટે અઘરુ બન્યું છે. સાથે જ છેલ્લા 20 દિવસમાં કોરોનાના સૌથી વધારે કેસ સામે આવી રહ્યાં છે. ત્યારે મુંબઇમાં ફેમસ ડબ્બા સર્વિસવાળા ભાઇઓ કોરોનામાં સૌથી મુશ્કેલ સમયમાંથી પસાર થઇ રહ્યાં છે ત્યારે તેમની વ્હારે બોલિવૂડ આવ્યું છે.

  • સુનિલ શેટ્ટી અને સંજય દત્તની મદદ
  • ડબ્બાવાળાઓની મદદે બોલિવૂડ
  • ફૂડકિટ્સ આપી કરે છે મદદ

સૂત્રો અનુસાર સુનિલ શેટ્ટી અને સંજય દત્ત બંને ડબ્બાવાળાઓની મદદે આવ્યા છે. બંને સ્ટાર મુંબઇના ટેક્સટાઇલ મિનિસ્ટર સાથે મળીને ડબ્બાવાળાઓની મદદ કરી રહ્યાં છે. સુનિલ શેટ્ટી સાથે વાત થતા તેમણે જણાવ્યું હતું કે, આ મુહિમ સંજૂ અને અસલમે સાથે શરૂ કરી હતી બાદમાં તેમને પણ આ મુહિમમાં જોડાતા જરા પણ સંકોચ થયો નહોતો. મુંબઇ સિવાય પૂણે માટે પણ ફૂડ ટ્રક રવાના કરી દેવામાં આવ્યા છે. આ કિટમાં દાળ, ખાંડ, તેલ જેવી જરૂરિયાતની ચીજ વસ્તુઓનો સમાવેશ થાય છે. 

 

 

તમને જણાવી દઇએ કે આ પહેલા પણ બોલિવૂડ સેલિબ્રિટીઝ કોરોના કાળમાં પ્રભાવિત થયેલા લોકોની મદદે આવી ચૂક્યા છે. સોનુ સૂદ સતત પ્રવાસીઓને તેમના ઘરે પહોંચાડવામાં મદદ કરી રહ્યાં છે ત્યારે અક્ષય કુમાર અને સલમાન ખાન પણ અલગ અલગ રીતે મદદ કરી રહ્યાં છે. 

કોરોના મહામારીથી એટલા બધા લોકો પ્રભાવિત થયા છે કે જેની સંખ્યા પણ ગણી શકાય તેમ નથી. બોલિવૂડ સેલેબ્સ સિવાય ઘણા બધા NGO તેમજ સંસ્થાઓ પણ સામે આવી છે. તે લોકોની મદદ કરી રહ્યાં છે.  

suneil shetty sunil shetty Sanjay Dutt ડબ્બાવાળા મુંબઇ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ