ક્રિકેટના ઈતિહાસમાં એવા ઘણા બધા ખેલાડીઓ છે જેમણે ક્રિકેટના મેદાનમાં ખૂબ રાજ કર્યું અને બાદ તેમના બાળકોએ પણ દેશનું નામ ખૂબ રોશન કર્યું.
સચિન, દ્રવિડ અને સંજયના દીકરા કરી રહ્યા છે સારું પ્રદર્શન
રાહુલ દ્રવિડના દીકરાએ ઘણીવાર કરી ધુઆંધાર બેટિંગ
સચિનના માર્ગદર્શનમાં આઈપીએલમાં જોવા મળી શકે છે અર્જુન
ક્રિકેટના ઈતિહાસમાં એવા ઘણા બધા ખેલાડીઓ છે જેમણે ક્રિકેટના મેદાનમાં ખૂબ રાજ કર્યું અને બાદ તેમના બાળકોએ પણ દેશનું નામ ખૂબ રોશન કર્યું. એવામાં હવે માનવામાં આવી રહ્યું છે કે ભારતીય ક્રિકેટ ટીમમાં દિગ્ગજ ખેલાડીઓના દીકરાઓને દેશનું નામ રોશન કરવા માટે ટીમમાં સ્થાન મળી જાય. ભારતમાં અત્યારે એવા ત્રણ ખેલાડીઓ જે દિગ્ગજ અને સ્ટાર ખેલાડીઓના દીકરા છે અને પોતાની ક્ષમતાના કારણે આગામી સમયમાં ભારતીય ટીમમાં આવી જાય.
આર્યન બાંગડ
આ ખેલાડીઓમાં સૌથી પહેલા જેનું નામ છે તે છે સંજય બાંગડના દીકરા આર્યન. સંજય બાંગડ પૂર્વ ઓલરાઉન્ડર છે જોકે તેમણે વધારે આંતરરાષ્ટ્રીય મેચ નથી રમી પણ ઘરેલૂ ક્રિકેટમાં ઘણું નામ કર્યું છે. તેઓ ટીમ ઇન્ડિયાના બેટિંગ કોચ પણ રહ્યા છે ત્યારે હવે તેમના દીકરા આર્યન પણ મેદાનમાં આવવા માટે તૈયાર છે. આર્યન હાલમાં ઇંગ્લેન્ડમાં લીસ્ટરશરની જૂનિયર ટીમમાંથી રમવાના છે અને તે મહેનત કરીને ટીમ ઇન્ડિયામાં પોતાનું સ્થાન બનાવી શકે છે.
અર્જુન તેંડુલકર
વિશ્વવિખ્યાત માસ્ટર બ્લાસ્ટર સચિને દેશનું નામ ખૂબ રોશન કર્યું છે અને આજે પણ તેમને ક્રિકેટના ભગવાન તરીકે ઓળખવામાં આવે છે ત્યારે તેમના દીકરા અર્જુન પણ એક ઓલરાઉન્ડર છે. અર્જુન ટીમ ઇન્ડિયાની અન્ડર 19 ટીમમાં સામેલ થઇને શ્રીલંકા પ્રવાસ પર ગયો હતો અને સ્પોર્ટ્સના નિષ્ણાતોનું માનવું છે કે અર્જુનમાં ટેલેન્ટ ઘણો છે અને સચિનનું માર્ગદર્શન પણ તેને મળી રહ્યું છે. એવામાં જો ટૂંક સમયમાં જ અર્જુન આઈપીએલ કે પછી ટીમ ઇન્ડિયામાં જોવા મળે તો નવાઈ નહીં.
સમિત દ્રવિડ
ટીમ ઇન્ડિયામાં ધ વોલ તરીકે પ્રખ્યાત રાહુલ દ્રવિડનો દીકરો સમિત પણ ખૂબ સારું ક્રિકેટ રમે છે. સમિત હાલમાં બેંગ્લોરમાં જૂનિયર લેવલ પર રમી રહ્યો છે અને પોતાની ધુઆંધાર બેટિંગના કારણે તે ઘણીવાર સમાચારોમાં આવતો રહે છે તે ત્યારે તે પણ પિતાની છાયા હેઠળ ટીમ ઇન્ડિયામાં સ્થાન બનાવી શકે છે.