કોરોના વાયરસથી બચવા માટે લોકો અનેક વસ્તુઓની કાળજી રાખી રહ્યા છે અને એવામાં નોટોના માધ્યમથી વાયરસ ન ફેલાય તે ડરમાં દેશમાં કરોડો ચલણી નોટો ધોવાઈ ગઈ, RBIના એક અહેવાલ આ ખુલાસો થયો છે.
RBI પાસે બે હજાર રૂપિયાની 17 કરોડ બેકાર નોટ આવી
ગયા વર્ષ કરતા આ વર્ષે 2 હજારની ખરાબ નોટોનું પ્રમાણ 300 ગણું વધ્યું
500ની નવી ચલણી નોટો પણ દસ ગણી વધારે ખરાબ થઇ
સેનેટાઈઝ કરવા, ધોવા અને તડકામાં સૂકાવાના કારણે ખરાબ થઈ નોટ
કોરોના વાયરસના કારણે દેશમાં ઘણી વસ્તુઓને નુકસાન થયું છે. બિઝનેસ, પરિવહન, રોજગાર ક્ષેત્રને જોરદાર ફટકો પડ્યો છે. એવામાં કોરોના વાયરસના ડરથી લોકોએ ચલણી નોટોને ધોઈ નાખી. નોટોને સેનેટાઈઝ કરવા, ધોવા અને તડકામાં સૂકાવાના કારણે મોટી સંખ્યામાં ચલણી નોટો ખરાબ થઇ ગઈ. આ જ કારણથી ભારતીય રિઝર્વ બેંક સુધી પહોંચનારી ખરાબ નોટોએ અત્યાર સુધીના બધા રેકોર્ડ તોડી નાખ્યા.
સૌથી વધારે બે હજારની નોટો ખરાબ થઇ છે. RBI પાસે આ વખતે બે હજારની 17 કરોડથી પણ વધારે નોટો આવી છે. આ સિવાય બસો, પાંચસો, દસ અને વીસની નોટો પણ ખૂબ ખરાબ થઇ છે.
નવી ચલણી નોટો ખૂબ ખરાબ થઇ
RBIના અહેવાલ અનુસાર આ વર્ષે બે હજારની 17 કરોડ નોટો ખરાબ થઇ ગઈ. આ સંખ્યા ગયા વર્ષના આંકડા કરતા 300 ગણી વધારે છે. કોરોના વાયરસ મહામારીના કારણે લોકોએ નોટોને ધોવાનું, સેનેટાઈઝ કરીને તડકામાં સૂકવવાનું શરુ કરી દીધું છે. બેંકોમાં નોટોની ગડ્ડી પર સેનેટાઈઝ કરવામાં આવે છે જેના કારણે જૂની શું નવી નોટો ખૂબ ખરાબ થઇ રહી છે.
ગયા વર્ષે બે હજારની ખરાબ થઇ ગયેલી 6 લાખ નોટો આવી હતી અને આ વખતે આ આંકડો વધીને 17 કરોડને પાર થઇ ગયો છે. 500ની નવી ચલણી નોટો પણ દસ ગણી વધારે ખરાબ થઇ છે. બસોની નોટની વાત કરીએ તો ગયા વર્ષની તુલનામાં આ વર્ષે 300 ગણી વધારે બેકાર નોટો આવી છે.
ખરાબ થઇ ગયેલી ચલણી નોટોએ તો બધા રેકોર્ડ તોડી નાખ્યા
વર્ષ 2017-18માં RBI પાસે બે હજારની એક લાખ ચલણી નોટો આવી હતી અને તે સંખ્યા 2018-19માં વધીને 6 લાખ બેકાર નોટ સુધી પહોંચી. જોકે આ વર્ષે ખરાબ થઇ ગયેલી ચલણી નોટોએ તો બધા રેકોર્ડ તોડી નાખ્યા અને RBI પાસે બે હજારની 17.68 કરોડ નોટ આવી છે. RBI દ્વારા આપવામાં આવેલ અહેવાલમાં ખુલાસો થયો છે કે 200 અને 500 રૂપિયાની નોટોનું ચલણ ખૂબ વધી રહ્યું છે.