હેંડ સેનેટાઇઝર પર 18 ટકા વસ્તુ તેમજ સેવા કર (GST) લગાવા પર સરકારે સ્પષ્ટતા કરી છે. સરકારે જણાવ્યું છે કે સેનેટાઇઝર પણ સાબુ, એન્ટી-બેક્ટિરિયલ લિક્વિડસ, ડેટૉલ અને અન્ય વસ્તુઓની જેમ કીટાણુનાશક છે, જેના પર 18 ટકા GST લાગે છે. નાણાં મંત્રાલયે પોતાના એક નિવેદનમાં જણાવ્યું છે કે અલગ કેમિકલ્સ, પેકિંગ મટિરિયલ્સ અને ઇનપુટ સેવા, જેનો ઉપયોગ સેનેટાઇઝર બનાવા માટે કરવામાં આવે છે, તેના પર પણ 18 ટકા GST લાગે છે.
સરકાર તરફથી આપવામાં આવેલા નિવેદનમાં જણાવ્યું છે કે સાબુ, એન્ટી-બેક્ટિરિયલ લિક્વિડ્સ, ડેટૉલ અને બીજી વસ્તુની જેમ સેનેટાઇઝર પણ કીટાણુનાશક છે જેના પર 18 ટકા GST લાગે છે. મંત્રાલયે કહ્યું કે સેનેટાઇઝર અને તેના જેવી બીજી વસ્તુઓ પર GST રેટ ઘટાડવાથી તેની કિંમતમાં ફેરફાર થશ અને સ્થાનિક વેપારીઓને લાભ નહીં મળે.
તેની પાછળનું તર્ક સમજાવતા મંત્રાલયે સ્પષ્ટ કર્યું કે GST નો ભાવ ઘટાડવાથી સેનેટાઇઝરની આયાત સસ્તી થઇ જશે જે કાચા માલ પર લગાવામાં આવતો ટેક્સ અંતિમ ઉત્પાદન પર લગાવામાં આવતા ટેક્સ કરતાં વધારે હોય.
તેમાં જણાવામાં આવ્યું છે કે જીએસટી રેટ ઓછો હોવાથી આયાત સસ્તા થવા પર મદદ મળે છે. આ દેશના આત્મનિર્ભર ભારતની નીતિ વિરુદ્ધ છે. કરવેરા માળખું બગવાના કારણે સ્થાનિક વેપારીઓ પ્રભાવિત થાય છે તો ગ્રાહકોને પણ જીએસટી ઓછો થવાનો ફાયદો નહીં મળે.
ઓથૉરિટી ઓફ એડવાંસ રૂલિંગ (AAR)ની ગોવા ખંડપીઠે હાલમાં જ નિર્ણય આપ્યો હતો કે GST હેઠળ અલ્કોહલ આધારિત હેંડ સેનિટાઇઝર પર 18 ટકાના દરથી ટેક્સ લાગશે. જો કે ઉપભોક્તા મામલાના મંત્રાલયે હેંડ સેનેટાઇઝરને જીવન જરૂરી વસ્તુઓની યાદીમાં રાખ્યું હતું, પરંતુ GST કાયદા હેઠળ છૂટવાળી વસ્તુઓની યાદી અલગ છે.