દિલ્હી: કેન્દ્રીય નાણામંત્રી પીયૂષ ગોયલની અધ્યક્ષતામાં GST કાઉન્સિલની 28મી બેઠક દિલ્હીના વિજ્ઞાન ભવનમાં યોજાઈ હતી. આ બેઠક દરમ્યાન કાઉન્સિલે સેનેટરી નેપકિનને GST દરમાંથી બહાર કરી દીધી છે. બેઠકમાં સામેલ થયેલા દિલ્હીના નાયબ મુખ્યમંત્રી મનીષ સિસોદીયાએ જણાવ્યું કે સેનેટરી હવે GSTમાંથી ફ્રી છે.
ચીની પર સેસને લઈને કોઈ નિર્ણય લેવામાં આવ્યો નથી. સેનેટરી નેપકિન પર GST કાઉન્સિલના નિર્ણયથી મહિલાઓને મોટી રાહત મળી છે. સેનેટરી નેપકિન અત્યાર સુધી 12 ટકાના GST સ્લેબમાં હતો પરંતુ આ નિર્ણયની લાંબા સમયથી ટીકા થઈ રહી હતી અને ઘણા મહિલા સંગઠનોએ તેને લઈને નારાજગી વ્યકત કરી હતી. નવેમ્બર 2017ની બેઠકમાં 213 સામાનોને સૌથી વધુ 28 ટકા GST સ્લેબથી કાઢીને 18 ટકાના સ્લેબમાં સામેલ કરાયા હતા.
Return forms will be simplified into formats it will be different for the composite dealers and for B2B or B2C dealers. It will be simplified into two formats— Sugaam and Sahaj: Finance Minister Piyush Goyal pic.twitter.com/ZhTCiYAkWb
ઉલ્લેખનીય છે કે 5 ટકા GSTના દાયરામાં સામેલ 6 સામાનો પર ટેક્સ ખતમ કરી દેવામાં આવ્યો હતો. ફાઈવ સ્ટાર હોટલની રેસ્ટોરન્ટ છોડીને બાકી હોટલો પર GST 18 ટકાથી ઘટાડીને 5 ટકા કરાયો છે.
જાન્યુઆરી 2018માં 54 સેવાઓ અને 29 વસ્તુઓ પર ટેક્સ ઓછો કરવામાં આવ્યો છે. 2017-18માં GSTથી 7.41 લાખ કરોડ રૂપિયા આવ્યા. સરેરાશ માસિક કલેકશન 89 885 કરોડ હતું. આ વર્ષે એપ્રિલનું કલેકશન રેકોર્ડ બ્રેક 1.03 લાખ કરોડ પહોંચી ગયું હતું પરંતુ મે મા ઘટીને 94 016 કરોડ અને જૂનમાં 95 610 કરોડ રૂપિયા પર આવી ગયું હતું.