WC 2019 / ભારત-પાક. વચ્ચેની મેચ પહેલાની 'જાહેરાત' પર ભડકી સાનિયા, ટ્વીટ કરીને વ્યક્ત કર્યો ગુસ્સો

સાનિયાએ જાહેરાતોને વિચિત્ર અને શરમજનક જણાવી. બંને ટીમ વચ્ચે રવિવારે થનારી મેચ પહેલા બંને દેશોના ટીવી ચેનલ પર જાહેરાતને લઇને જંગ જોવા મળી, જેમાં નિંદનીય સામગ્રીવાળી જાહેરાત પણ છે. 

Cringeworthy ads on both sides of the border 🤮 seriously guys, you don’t need to ‘hype up’ or market the match anymore specially with rubbish! it has ENOUGH attention already!It’s only cricket for God sake, and if you think it’s anymore than that then get a grip or get a life !!

— Sania Mirza (@MirzaSania) June 12, 2019

આ જાહેરાત પર સાનિયાએ ટ્વીટ કરતા લખ્યુ કે, ''સરહદની બન્ને બાજુ શરમજનક સામગ્રીવાળી જાહેરાત, ગંભીર થઈ જાઓ. તમને આ રીતના બકવાસ સાથે હાઇપ બનાવવા અથવા મેચનું ટેલિકાસ્ટ કરવાની જરૂર નથી. પહેલા જ આના પર જરૂરી નજર રાખવાની છે.''

કઇ જાહેરાતને લઇને ગુસ્સે થઇ સાનિયા:

પાકિસ્તાનના ટીવીની એક જાહેરાત બનાવી હતી, જેમાં તે વિંગ કમાન્ડ અભિનંદર વર્ધમાનની મજાક ઉડાવતા જોવા મળે છે. અભિનંદનને બાલાકોટમાં ભારતની એર સ્ટ્રાઇકના એક દિવસ પછી પાકિસ્તાની સેના તેને પક્ડયો હતો. આ 33 સેકન્ડની જાહેરાતમાં મોડલને ભારતની બ્લુ જર્સીમાં દર્શાવવામાં આવ્યો છે, તેની મૂંછ પણ અભિનંદન જેવી જ છે. તેને મેચ માટે ભારતની રણનીતિ વિશે પૂછતા અભિનંદનની વાયરલ થયેલી ટિપ્પણી કરતા જોવા મળી રહ્યા છે, તે કહે છે કે, ''મને માફ કરો, હું આ વિશેની કોઈ જાણકારી આપવા માટે બાધ્ય નથી.''

તો બીજી તરફ ભારતનું સ્ટાર ટીવી એક જાહેરાત બતાવી રહ્યુ છે જેમાં ભારતીય સમર્થક પોતાને પાકિસ્તાનનો 'અબ્બૂ' જણાવે છે. આ વર્લ્ડકપમાં પાકિસ્તાન પર ટીમ ઇન્ડિયાના દબદબાના સંદર્ભમાં છે. આ જાહેરાત પર પણ ફેન્સને મિક્સ રિવ્યૂઝ આવી રહ્યા છે.