ભારતીય ટેનિસ સ્ટાર સાનિયા મિર્ઝાએ કન્ફર્મ કર્યુ કે, તેની બહેન અને ફેશન સ્ટાઇલિશ અનમ મિર્ઝાના લગ્ન ભારતીય ક્રિકેટ ટીમના પૂર્વ કેપ્ટન મોહમ્મદ અઝહરુદ્દીનના દિકરા અસદની સાથે થશે. સાનિયાએ કહ્યુ કે, ડિસેમ્બર 2019માં આ બંને લગ્ન કરશે.
સાનિયા મિર્ઝાએ કર્યુ કન્ફર્મ, ડિસેમ્બરમાં કરશે તેની બહેન લગ્ન
અઝહરુદ્દીનના દિકરા અસદ સાથે સાનિયની બહેન કરશે લગ્ન
જોકે સાનિયાના કન્ફર્મેશન પછી બંનેના સંબંધોને લઇને ચાલી રહેલા અફવાહોને લઇને વિરામ મૂકાઇ ગયુ છે. સાનિયાએ એક ઇન્ટરવ્યૂમાં જણાવ્યુ કે, ''અસદ-અનમ ડિસેમ્બરમાં લગ્ન કરશે. હાલમાં અમે પેરિસમાં તેની બેચલર ટ્રિપ પૂરી કરીને પરત ફર્યા છે. અમે આ સંબંધોને લઇને ઘણા ઉત્સાહિત છીએ.''
સાનિયાએ આગળ કહ્યુ કે, ''તે ખૂબ જ પ્રેમાળ છોકરાની સાથે લગ્ન કરી રહી છે, તેનું નામ અસદ છે અને તે મોહમ્મદ અઝહરુદ્દીનનો દિકરો છે અને અમે આ સંબંધોને લઇને ઉત્સાહિત છીએ.''
સપ્ટેમ્બરમાં અનમે પોતાના ઑફિશ્યલ સોશ્યલ મીડિયા પર એક ફોટો શૅર કર્યો હતો જેમાં પાછળના કાચના ગ્લાસ પર 'બ્રાઇડ ટુ બી' લખ્યુ હતુ. આ ફોટો સોશ્યલ મીડિયા પર પોસ્ટ કર્યા પછી માનવામાં આવી રહ્યુ હતુ કે અસદ અને અનમ જલ્દીથી લગ્ન કરી શકે છે.
અનમ અને અસદ એકબીજાને લાંબા સમયથી ડેટ કરી રહ્યા છે. કપલ સોશ્યલ મીડિયા પર ઘણી વખત ફોટોઝ શૅર કરતુ રહે છે. અસદ પિતાની જેમ ક્રિકેટર બનવા ઇચ્છતો હતો અને તે હાલમાં ગોવાની રણજી ટીમનો ભાગ છે.
ઉલ્લેખનીય છે કે, અનમના લગ્ન 2016માં હૈદરાબાદના બિઝનેસમેનની સાથે થયા હતા, જેમાં ફિલ્મ, રાજનીતિ અને ફેશન ઇન્ડસ્ટ્રીની ઘણા સેલેબ્સ આવ્યા હતા. જોકે આ લગ્નના 2 વર્ષ પછી સંબંધોમાં ખટાશ આવતા બંને એકબીજાથી અલગ થયા હતા.