ભારતીય ટેનિસ પ્લેયર સાનિયા મિર્ઝાએ હાલમાં જ 2 વર્ષ પછી ટેનિસ કોર્ટમાં વાપસી કરી છે. આ દરમિયાન શાનદાર ખેલાડી સાનિયાએ દિકરા ઈઝહાન મિર્ઝા મલિકને જન્મ આપ્યો. સાનિયાએ હમેશાં પ્રેગ્નેન્સી પછી તેણે કઈ રીતે વજન ઘટાડ્યું તે અંગે ખુલ્લા મનથી વાત કરી છે. તેણે ઘણીવાર જિમમાં પરસેવો પાડતો ફોટો અને વીડિયો શેર કર્યો છે. પ્રેગ્નેન્સી બાદ દરેક મહિલા ફરી હેલ્ધી અને ફિટ થઈ શકે તે માટે તે હમેશાં વર્કઆઉટના વીડિયો શેર કરતી રહે છે.
ભારતીય ટેનિસ પ્લેયર સાનિયા મિર્ઝાએ 2 વર્ષ પછી ટેનિસ કોર્ટમાં વાપસી કરી
હવે જ્યારે સાનિયા ટેનિસ કોર્ટમાં વાપસી કરી ચૂકી છે અને પહેલાંની જેમ ફિટ અને હેલ્ધી બની ગઈ છે. તેણે હાલમાં જ ઈન્સ્ટાગ્રામ પર એક પોસ્ટ શેર કરી છે, જેમાં બાળકના જન્મ પછી તેણે પ્રેગ્નેન્સી દરમિયાનનો અને દિકરાના જન્મ પછી 89 કિલોમાંથી 63 કિલોવાળો ફોટો શેર કર્યો છે.
આ તસવીરને શેર કરતા 33 વર્ષીય સાનિયાએ લખ્યું, 89 કિલો vs 63 કિલો. આપણાં બધાંની પાસે કોઈકને કોઈક લક્ષ્ય અવશ્ય હોય છે. આવતી કાલે શું કરીશું તેનો પણ કંઈક હેતુ હોય છે. આપણે ગર્વ કરવું જોઈએ. મને બાળકને જન્મ આપ્યા બાદ ફરી ફિટ અને હેલ્ધી થવાનું લક્ષ્ય હાંસલ કરવામાં 4 મહિનાનો સમય લાગ્યો. એવું લાગે છે કે, રમતમાં વાપસી કરવા અને ફિટનેસ હાંસલ કરવામાં ઘણો લાંબો સમય લાગી ગયો. તમારા સપનાઓની પાછળ લાગ્યા રહો. પછી ભલે ગમે એટલા લોકો કહે કે તૂ આ નહીં કરી શકે, કારણ ઈશ્વર જ જાણે છે કે, આપણી આસપાસ એવા કેટલાય લોકો છે. જેથી હું કરી શકું છું તો કોઈપણ કરી શકે છે.
તમને જણાવી દઈએ કે, હાલમાં જ સાનિયા મિર્ઝાએ ટેનિસ કોર્ટમાં વાપસી કર્યા બાદ 42મો ટાઈટલ જીત્યો છે. સાનિયાએ ઓક્ટોબર 2018માં દિકરાને જન્મ આપ્યો હતો. તેણે એપ્રિલ 2010માં પાકિસ્તાની ક્રિકેટર શોએબ મલિક સાથે લગ્ન કર્યા હતા.