IPLIN
 
  • Home
  • Sports
  • Sania Mirza came to the tennis court with her son in her lap

VIRAL / સાનિયા મિર્ઝાને દીકરાને તેડીને ટેનિસ કોર્ટમાં જોતા, બોલિવૂડ એક્ટરે કહી આ વાત

Team VTV 12:09 PM, 12 Mar 20
Follow us
Sania Mirza came to the tennis court with her son in her lap

ભારતની ટેનિસ પ્લેયર સાનિયા મિર્ઝા દુનિયાના પ્રસિદ્ધ ખેલાડીઓમાંથી એક છે. વર્ષ 2017માં પ્રેગ્નેન્સીને કારણે ટેનિસથી બ્રેક લીધા બાદ સાનિયાએ હોબાર્ટ આંતરરાષ્ટ્રીય ટૂર્નામેન્ટ રમત દ્વારા વાપસી કરી છે. અત્યારે તેની એક તસવીર સોશિયલ મીડિયા પર ખૂબ જ વાયરલ થઈ રહી છે. જેમાં આ પ્લેયરના એક હાથમાં ટેનિસ રેકેટ અને બીજા હાથથી તેનો દીકરો ઈઝાન ખોળામાં લીધેલો જોવા મળી રહી છે. સાનિયા મિર્ઝાની આ તસવીર પર બોલિવૂડ એક્ટર રિતેશ દેશમુખે પણ ટ્વિટ કર્યું છે. એ પણ વાયરલ થઈ રહ્યું છે.

  • સાનિયા મિર્ઝાએ શેર કર્યો ફોટો
  • સોશિયલ મીડિયા પર થઈ રહ્યો છે વાયરલ
  • આ રીતે પહોંચી ટેનિસ કોર્ટમાં

રિતેશે ટ્વિટ કરીને કહ્યું, પરફેક્ટ પિક્ચર, ઈઝીને બહુ બધો પ્રેમ. તમને જણાવી દઈએ કે સાનિયા મિર્ઝાએ પોતે તેના ટ્વિટર હેન્ડલ એકાઉન્ટ પણ આ તસવીર શેર કરી છે. તેની આ તસવીર જોઈને ફેન્સ તેની ખૂબ પ્રશંસા કરી રહ્યાં છે. સાથે જ કેટલાક લોકોએ તો તેને ઝાંસીની રાણી કહીને પણ સંભોધી છે. 

 

આ તસવીર શેર કરતાં સાનિયાએ લખ્યું, આ એક તસવીરમાં મારી લાઈફ. મારી પાસે બીજી કોઈ રીત નથી. અલહમ્દુલિલ્લાહ. આ ઈન્ડોનેશિયા સામે રમવાના થોડાં સમય પહેલાંની તસવીર છે. આ મને પ્રેરિત કરે છે, જે હું કરું છું એ કરવા માટે અને સૌથી સારું કરવા માટે. 

ઉલ્લેખનીય છે કે, ભારતીય ટેનિસ ખેલાડી સાનિયાને અર્જુન એવોર્ડ, પદ્મશ્રી, રાજીવ ગાંધી ખેલ એવોર્ડ અને ઘણાં ખિતાબ પોતાના નામે કરી ચૂકી છે. જ્યારે રિતેશ દેશમુખના વર્કફ્રંટની વાત કરીએ તો તે હાલમાં બાગી-3માં જોવા મળ્યો હતો. જેમાં તેની સાથે ટાઈગર શ્રોફ અને એક્ટ્રેસ શ્રદ્ધા કપૂર મુખ્ય ભૂમિકામાં જોવા મળી હતી. એક્શન અને સ્ટંટથી ભરપૂર આ ફિલ્મ અત્યાર સુધી 83 કરોડ રૂપિયાની કમાણી કરી ચૂકી છે. 

Cricket News photo Sania Mirza Picture Ritesh deshmukh sports
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ