બોલીવૂડ / ઐશ્વર્યા રાય માટે મેંગ્લોરના યુવકે એવો દાવો કર્યો કે આખો બચ્ચન પરિવાર ચોંકી જશે

• યુવકે કહ્યું તે મુંબઈમાં રહેવા માંગે છે 
• સંગીત કુમારે કહ્યું ઐશ્વર્યાએ આઇવિએફથી તેને જન્મ આપ્યો છે 
• સંગીતકુમારનો આક્ષેપ છે કે મારા સંબંધીઓ મારા તમામ બર્થ સર્ટિફિકેટના બધા જ રેકોર્ડ નષ્ટ કરી દીધા

બોલિવૂડની જાણીતી અભિનેત્રી ઐશ્વર્યા રાય બચ્ચન અંગે 32 વર્ષના યુવકે આશ્ચર્યજનક દાવો કરતાં કહ્યું કે ઐશ્વર્યા મારી માતા છે. હું તેનો પુત્ર છું અને હવે હું તેની સાથે મુંબઇમાં રહેવા ઇચ્છું છું. આ યુવકનું નામ સંગીતકુમાર છે. એકાદ વર્ષ પહેલાં પણ તેણે આવો દાવો કર્યો હતો.

મેંગ્લોરના રહેવાસી સંગીતકુમારે દાવો કર્યો છે કે ઐશ્વર્યાએ આઇવીએફ દ્વારા લંડનમાં ૧૯૮૮માં તેને જન્મ આપ્યો હતો. સંગીતકુમાર જે વર્ષમાં પોતાના જન્મનો દાવો કરી રહ્યો છે ત્યારે ઐશ્વર્યાની ઉંમર માત્ર ૧૫ વર્ષ હતી. ૨૦૧૮માં તેનો એક વીડિયો ઇન્ટરનેટ પર પણ વાયરલ થયો હતો. એક ઇન્ટરવ્યૂમાં સંગીતકુમારે જણાવ્યું કે ઐશ્વર્યાના માતા-પિતા વૃંદા રાય અને દિવંગત કૃષ્ણરાજ રાયે બે વર્ષ સુધી તેની દેખરેખ કરી. ત્યાર બાદ તેના પિતા વદીવેલુ રેડ્ડી તેને લઇને વિશાખાપટ્ટનમ ચાલ્યા ગયા. 

સંગીતકુમારનો આક્ષેપ છે કે મારા સંબંધીઓ મારા તમામ બર્થ સર્ટિફિકેટના બધા જ રેકોર્ડ નષ્ટ કરી દીધા છે તેથી મારી પાસ કોઇ બર્થ સર્ટિફિકેટ નથી. જો તે મારા પાસે હોત તો હું દાવો કરી શકત. ઐશ્વર્યા રાયને પોતાની માતા બતાવનાર ૩૨ વર્ષીય સંગીતકુમારની સોશિયલ મીડિયા પર મજાક ઊડી રહી છે.