વિનંતી / કોણ છે એ નેતા જેણે રાહુલને ગાંધીને અધ્યક્ષ બનાવવા લોહીથી પત્ર લખ્યો? આપ્યું આ મોટું નિવેદન

રાહુલને પાર્ટીના અધ્યક્ષ બનાવવા પાર્ટીના હિતમાં

તેમણે કહ્યું કે જો રાહુલ ગાંધીને પાર્ટી અધ્યક્ષ બનાવવામાં નહીં આવે તો આ નિર્ણય પક્ષની વિરુદ્ધમાં થશે. સંદીપ તંવરે પત્રમાં લખ્યું છે કે, રાહુલ ગાંધીએ તેમના લોહી અને પરસેવાથી પાર્ટીને સીંચી છે. ખરાબ સમયમાં લોકોનો અવાજ સડકથી સંસદ સુધી પહોંચાડી છે. જો રાહુલ ગાંધીને અધ્યક્ષ બનાવવામાં નહીં આવે તો આ નિર્ણય પક્ષના હિતમાં રહેશે નહીં.

રાહુલ ગાંધીએ દર્શાવી નારાજગી

કોંગ્રેસમાં ટોચની નેતાગીરીમાં પરિવર્તનની માંગ વચ્ચે સોમવારે વર્કિંગ કમિટીની બેઠક મળી હતી. બેઠકમાં રાહુલ ગાંધીએ 23 નેતાઓ દ્વારા લખેલા પત્ર અંગે નારાજગી વ્યક્ત કરી હતી. રાહુલે પત્રના સમય અંગે પ્રશ્નો ઉભા કર્યા છે. રાહુલે કહ્યું કે, જ્યારે સોનિયા ગાંધીને એઈમ્સમાં દાખલ કરવામાં આવ્યા ત્યારે જ નેતાગીરીમાં પરિવર્તનની માંગ કેમ કરવામાં આવી?

રાહુલે કહ્યું કે, જે રીતે પત્ર લિક થયો હતો, તેનાથી તેઓ દુઃખી છે. એટલું જ નહીં, તેમણે નેતાઓ ઉપર ભાજપ સાથે ગઠબંધન કરીને પત્ર લખવાનો આરોપ લગાવ્યો. આ અંગે ગુલામ નબી આઝાદ અને કપિલ સિબ્બલે જવાબ પણ આપ્યો હતો.