મુંદ્રા પોર્ટ પરથી પ્રતિબંધિત રક્તચંદનનો મોટી માત્રામાં જથ્થો ઝડપાયો છે. પોર્ટ પર DRI અને કસ્ટમ વિભાગે દિલ્હીથી ચીન જતા લાલ ચંદનનો મોટો જથ્થાને ઝડપી પાડ્યો છે.
મુંદ્રા પોર્ટ ઉપર DRI-કસ્ટમ વિભાગની સંયુક્ત કાર્યવાહી
કન્ટેનરમાંથી પ્રતિબંધિત રક્ત ચંદન ઝડપાયું
ચીન જતા કન્ટેનરની તપાસ દરમિયાન ઘટસ્ફોટ
મુંદ્રા પોર્ટ પરથી લાલ ચંદનની દાણચોરીની ઘટના સામે આવી છે.
મુંદ્રા પોર્ટ ખાતે દિલ્હીના નિકાસકારનું કાર્ગો કન્ટેનરને ખોલતા તેમાંથી ચીનના નિકાસ કરવામાં માટેઆવેલા લાલ ચંદનના જથ્થાને ગાંધીધામ DRI દ્વારા ઝડપી પાડવામાં આવ્યું હતું.સુત્રોના જણાવ્યા અનુસારે ગાંધીધામ DRI ને મળી હતી અને બાતમીમળી હતી કે, દિલ્હીના નિકાસકારે રેલવે મારફતે એક કન્ટેનરમાં લાલ ચંદન મુન્દ્રા પોર્ટ પર લવાઈ રહ્યું છે.જે બાતમીના આધારે DRI દ્વારા કાર્યવાહી કરવામાં આવી હતી,જેમાં માલગાડીમાંથી બંદરમાં લઈ જતી વખતે ટર્મિનલમાં જ લાલ ચંદન ભરેલા કન્ટેનરને ઝડપી પાડવામાં આવ્યું હતું જે પોર્ટ તરફ લઈ જવામાં આવતું હતું. ઉલ્લેખનીય છે કે, છેલ્લા ઘણા સમયથી લાલ ચંદનની દાણચોરી ગતિવિધિ શાંત રહ્યા બાદ હવે ફરીથી દાણચોરી શરૂ થઈ છે તેવું સ્પષ્ટ થઈ રહ્યું છે.
આગામી સમયમાં આ રક્તચંદનના પ્રકરણમાં ઘણા મોટા ખુલાસાઓ થાય તેવી સંભાવના
મહત્વનું છે કે, રક્ત ચંદનની આંતરાષ્ટ્રીય બજારમાં કિંમત કરોડો રૂપિયામાં છે. ગાંધીધામ DRI દ્વારા કરવામાં આવેલી પ્રાથમિક કાર્યવાહીમાં નિકાસકાર તરીકે દિલ્હી સ્થિત એક પેઢીનું નામ સામે આવ્યું છે. કન્ટેનરમાં ખોટું મટીરીયલનું લેબલ લગાવીને તેની આડમાં રક્તચંદનનું નિકાસ કરવામાં આવી રહ્યું હતું. સૂત્રોના જણાવ્યા મુજબ આ તપાસમાં વધુ મોટા ખુલાસાઓ થવાની સંભાવના છે.