પંચમહાલ / પંચમહાલમાં રેતી ખનનનો પર્દાફાશ, ટ્રેકટર સહિત 80 લાખનો મુદ્દામાલ ખાણ ખનીજ વિભાગે કર્યો જપ્ત

• ઘૂસરની ગોમા નદીમાં ઝડપાયું રેતી ખનન 
• 80 લાખનો મુદ્દામાલ થયો જપ્ત
• રેડ સમયે સ્થળ પર અફરાતફરીનો માહોલ 

પંચમહાલ પોલીસ અને ખાણ ખનીજ વિભાગ દ્વારા મોટી કાર્યવાહી હાથ ધરવામાં આવી છે. અહીયા અવાર નવાર ભૂમાફિયાઓનો આતંક સામે આવતો રહેતો હોય છે. ત્યારે વધુંમાં ફરી વખત અહીયા ઘૂસરની ગોમા નદીમાં રેતી ખનન ઝડપાયું છે. અહીયા ગેરકાયેદસર રેતી ખનન 16 ડેટલા ટ્રેકટરો મળી આવ્યા છે. 

80 લાખનો મુદ્દામાલ જપ્ત 

ઝડપાયેલા મુદ્દામાલની કુલ કિંમત 80 લાખ જેટલી હોવાનું સામે આવ્યું છે. સાંભળીને આપને નવાઈ લાગશે કે જે પણ ટ્રેકટરો મળી આવ્યા છે. તે બધાજ ટ્રેકટર મોટા ભાગે રજિસ્ટ્રેશન નંબર વગરના છે. જેથી તે મામલે પણ પોલીસે કાયદેસરની કાર્યવાહી આરંભી છે.

રેડ સમયે સ્થળ પર અફરાતફરી 

જોકે જે સમયે પોલીસ અને ખનીજ વિભાગ દ્વારા રેડ કરવામાં આવી હતી. ત્યારે તેમને જોઈને ભૂ માફિયાઓ દોટ પકડીને ભાગ્યા હતા આ અફરા તફરની માહોલમાં કેટલાક ટ્રેકટરો પણ ઉંઘા પડી ગયા હતા. જોકે ઝડપાયેલા તમામ ટ્રેકટરોને વેજલપુર પોલીસ સ્ટેશન લાવવામાં આવ્યા છે. જ્યા પોલીસે ગુનો નોંધીને તપાસ આરંભી છે. 

ખાણ ખનીજ વિભાગ એકશન મોડમાં 

ઉલ્લેખનીય છે પંચમહાલમાં ભૂમાફિયાઓનો આતંક દિવસેને દિવસે વધી રહ્યો છે. ઘણી વખત તો અહીયા જે એક ચિંતાનો વિષય બન્યો છે. ઘણી વખતતો ભૂમાફિયાઓ અહીયા પોલીસ તેમજ ખાણ ખનીજ વિભાગની ટીમ પર પણ હુમલો કરતા હોય છે. જોકે વધતા જતી રેતી ચોરીને કારણે હવે ખાણ ખનીજ વિભાગ પણ એકશન મોડમાં આવી ગયો છે.