બોલિવૂડ / 'સનમ તેરી કસમ'નો બોક્સ ઓફિસ પર દબદબો, 2 દિવસમાં તોડ્યો જૂનો રેકોર્ડ, નવી ફિલ્મોને ફાંફાં

Sanam Teri Kasam Re-Release Box Office: 2016 માં રિલીઝ થયેલી રોમેન્ટિક ફિલ્મ સનમ તેરી કસમ ફરીથી રી-રિલીઝ થઈ છે. તેને દર્શકો તરફથી ઘણો પ્રેમ મળી રહ્યો છે. આ ફિલ્મે બોક્સ ઓફિસ પર પોતાના જ રેકોર્ડ તોડી નાખ્યા છે.

View this post on Instagram

A post shared by Soham Rockstar Entertainment (@sohamrockstrent)

વર્ષ 2016 માં રિલીઝ થયેલી રોમેન્ટિક ફિલ્મ સનમ તેરી કસમ 7 ફેબ્રુઆરી 2025 ના મોટા પડદા પર ફરીથી રી-રિલીઝ થઈ. જ્યારે ફિલ્મ રિલીઝ થયાને માત્ર બે દિવસ થયા છે અને આ ફિલ્મને ઘણો પ્રેમ મળી રહ્યો છે. ભલે આ ફિલ્મે 2016 માં બોક્સ ઓફિસ પર ખાસ કમાણી કરી ન હતી, પરંતુ હવે તેની ફરીથી રી-રિલીઝ સાથે આ ફિલ્મ બોક્સ ઓફિસ પર ધૂમ મચાવી રહી છે. એટલું જ નહીં આ ફિલ્મે પોતાના જ રેકોર્ડ તોડી નાખ્યા છે.

બોક્સ ઓફિસ પર જોરદાર કલેક્શન

તમને જણાવી દઈએ કે આ ફિલ્મ 7 ફેબ્રુઆરીના સિનેમાઘરોમાં ફરીથી રિલીઝ થઈ હતી અને 2 દિવસમાં જ આ ફિલ્મે પોતાનો જલવો ફેલાવવાનું શરૂ કરી દીધું હતું. સનમ તેરી કસમને લોકો તરફથી ખૂબ જ સારો પ્રતિસાદ મળી રહ્યો છે. ઉપરાંત આ ફિલ્મ બોક્સ ઓફિસ પર જબરદસ્ત કમાણી કરી રહી છે. ફિલ્મમાં મુખ્ય ભૂમિકામાં જોવા મળતી અભિનેત્રી માવરા હોકેન અને અભિનેતા હર્ષવર્ધન રાણે પણ ફિલ્મની સફળતા જોઈને આશ્ચર્યચકિત છે અને સોશિયલ મીડિયા પર ચાહકોનો આભાર માની રહ્યા છે.

View this post on Instagram

A post shared by Harshvardhan Rane (@harshvardhanrane)

રેકોર્ડ બ્રેક કમાણી

તમને જણાવી દઈએ કે પહેલા દિવસે આ ફિલ્મે બોક્સ ઓફિસ પર 5.14 કરોડ રૂપિયાની કમાણી કરી હતી અને હવે બીજા દિવસે પણ તેણે જબરદસ્ત બિઝનેસ કર્યો છે. માહિતી અનુસાર સનમ તેરી કસમ ફિલ્મે બીજા દિવસે એટલે કે શનિવારે 6.22 કરોડ રૂપિયાનો બિઝનેસ કર્યો હતો. આ સંદર્ભમાં ફિલ્મનું બે દિવસનું કલેક્શન લગભગ 11.36 કરોડ રૂપિયા થઈ ગયું છે. જેનો ફોટો ખુદ અભિનેતાએ પોતાના ઇન્સ્ટાગ્રામ પર પોસ્ટ કર્યો છે. આ રીતે ફિલ્મે પોતાનો જ રેકોર્ડ તોડી નાખ્યો છે કારણ કે 9 વર્ષ પહેલા આ ફિલ્મે 9 કરોડ રૂપિયાનું લાઇફટાઇમ કલેક્શન કર્યું હતું. એટલું જ નહીં આ ફિલ્મે તાજેતરમાં રિલીઝ થયેલી લવયાપા અને બૈડએસ રવિ કુમારને પણ પાછળ છોડી દીધી છે.

આ પણ વાંચોઃ બોલિવૂડ હસીનાએ એક્ટિંગ માટે અભ્યાસ છોડ્યો, પહેલી ફિલ્મથી જ રાતોરાત બની સ્ટાર

માવરા હોકેનની પહેલી બોલિવૂડ ફિલ્મ

ફિલ્મ વિશે વાત કરીએ તો દીપક મુકુટને ફિલ્મ 'સનમ તેરી કસમ'નું પ્રોડ્યુસન કર્યું છે. તેનું બજેટ 25 કરોડ રૂપિયા હતું. આ ફિલ્મમાં હર્ષવર્ધન રાણે અને માવરા હોકેન ઉપરાંત અનુરાગ સિંહા, મનશ ચૌધરી, મુરલી શર્મા અને સુદેશ બેરી પણ જોવા મળ્યા હતા. તમને જણાવી દઈએ કે સનમ તેરી કસમ માવરા હોકેનની પહેલી બોલિવૂડ ફિલ્મ હતી અને આ ફિલ્મ દ્વારા જ તેને ઓળખ મળી. આ ફિલ્મમાં તેણે સરસ્વતી ઉર્ફે સરુનું પાત્ર ભજવ્યું છે. તાજેતરમાં જ અભિનેત્રીએ તેના બોયફ્રેન્ડ આમિર ગિલાની સાથે નિકાહ કર્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ